Team Chabuk-Sports Desk: ભારતે શ્રીલંકાને 2 રનેથી હરાવીને ત્રણ મેચની સિરીઝમાં વિજયી પ્રારંભ કર્યો છે. શિવમ માવીની બોલિંગ તેમજ દીપક હુડા અને અક્ષર પટેલની વિસ્ફોટક બેટિંગના કારણે ભારતીય ટીમ સન્માનજનક સ્કોર સુધી પહોંચી હતી.
મુંબઈના વાનખેડેમાં રમાયેલી ભારત અને શ્રીલંકા વચ્ચેની પ્રથમ T20 મેચ રોમાંચક રહી. પ્રથમ બેટિંગ કરતાં ભારતીય ટીમે 20 ઓવરમાં 5 વિકેટે 162 રન બનાવ્યા હતા. દીપક હુડા અને અક્ષર પટેલે છઠ્ઠી વિકેટ માટે 35 બોલમાં અણનમ 68 રનની ભાગીદારી કરી હતી. હુડ્ડાએ 23 બોલમાં અણનમ 41 અને પટેલે 20 બોલમાં અણનમ 31 રન બનાવ્યા હતા. જવાબમાં શ્રીલંકાની ટીમ 160 રન જ બનાવી શકી હતી. ભારત તરફથી શિવમ માવીએ સૌથી વધુ ચાર વિકેટ લીધી હતી. અને સ્પીડ સ્ટાર ઉમરાન મલિકે બે વિકેટ ઝડપી હતી.
Make that wicket No.4 for @ShivamMavi23 and what a debut he is having.
— BCCI (@BCCI) January 3, 2023
Maheesh Theekshana departs.
Live – https://t.co/uth38CaxaP #INDvSL @mastercardindia pic.twitter.com/G3zIVlBs61
163 રનના ટાર્ગેટના જવાબમાં શ્રીલંકાની ટીમની શરૂઆત ઘણી ખરાબ રહી હતી. ઓપનર પથુમ નિસાંકા 01, ત્રીજા નંબરે બેટિંગ કરવા આવેલા ધનંજય ડી સિલ્વા 08 રન બનાવીને આઉટ થયા હતા. ત્યારબાદ અસલંકાએ પણ માત્ર 12 રન બનાવીને પેવેલિયનનો રસ્તો પકડ્યો હતો. આ પછી સેટ ઓપનર કુસલ મેન્ડિસ પણ 25 બોલમાં 28 રન બનાવીને આઉટ થયો હતો. આ દરમિયાન તેણે પાંચ ચોગ્ગા ફટકાર્યા હતા.
51 રનમાં ચાર વિકેટ પડી ગયા બાદ ભાનુકા રાજપક્ષે પણ ક્રિઝ પર લાંબો સમય ટકી શક્યો નહીં અને માત્ર 12 રન બનાવીને પેવેલિયન પરત ફર્યો. હસરંગાએ 10 બોલમાં એક ફોર અને બે સિક્સરની મદદથી 21 રન બનાવ્યા હતા. તે જ સમયે, કેપ્ટન શનાકાએ 27 બોલમાં 45 રનની વિસ્ફોટક ઇનિંગ રમી હતી. તેણે ત્રણ ચોગ્ગા અને ત્રણ છગ્ગા ફટકાર્યા હતા.
That's that from the 1st T20I.#TeamIndia win by 2 runs and take a 1-0 lead in the series.
— BCCI (@BCCI) January 3, 2023
Scorecard – https://t.co/uth38CaxaP #INDvSL @mastercardindia pic.twitter.com/BEU4ICTc3Y
પ્રથમ બેટિંગ કરવા ઉતરેલી ભારતીય ટીમે શાનદાર શરૂઆત કરી હતી. ઓપનર શુભમન ગિલ અને ઈશાન કિશને માત્ર 2.3 ઓવરમાં 27 રન બનાવ્યા, પરંતુ વચ્ચેની ઓવરોમાં સતત વિકેટો પડતી રહી. એક સમયે ટીમ ઈન્ડિયા 14.1 ઓવરમાં 94 રનમાં 5 વિકેટ ગુમાવીને સંઘર્ષ કરી રહી હતી, પરંતુ અક્ષર પટેલ અને દીપક હુડ્ડાની ઝડપી ઇનિંગે ટીમનો સ્કોર 20 ઓવરમાં 162 રન સુધી પહોંચાડ્યો હતો.
તાજેતાજો ઘાણવો
- IND vs ENG: લોર્ડ્સમાં ઇંગ્લેન્ડે ટેસ્ટ મેચ 22 રનથી જીતી, રવિંદ્ર જાડેજાની લડાયક ઇનિંગ્સ વ્યર્થ ગઈ
- આજે રાજ્યના આ 5 જિલ્લાઓમાં ભારે વરસાદને લઈ હવામાન વિભાગનું એલર્ટ
- ગુજરાતના તમામ રોડ રસ્તાઓ યુદ્ધના ધોરણે રિપેર કરવા મુખ્યમંત્રીએ આપ્યા આદેશ
- મોરબીમાં ભાજપનો ગઢ ગણાતા વિસ્તારમાં સુવિધા ન મળતાં લોકોએ કહ્યું- હવે વિસાવદરવાળી કરવી પડશે
- ગુજરાત પર એક સાથે 3 સિસ્ટમ સક્રિય થઈ, 6 દિવસ વરસાદ ભુક્કા બોલાવશે
