Team Chabuk-Gujarat Desk: રાજકોટમાંથી વધુ એક સંબંધોને શર્મસાર કરતો કિસ્સો સામે આવ્યો છે. રાજકોટમાં સાવકા પિતાએ પોતાની દીકરીની ઈજ્જત લઈ લીધી હોવાનો આરોપ છે. નરાધમે પોતાની માસૂમ ફૂલ જેવી બાળકીની એકલતાનો લાભ લઈ તેને પીંખી નાંખી હોવાનો દાવો છે. શહેરના કોઠારિયા સૉલવન્ટ વિસ્તારમાં પિતાએ પોતાની 11 વર્ષની દીકરી પર દુષ્કર્મ આચર્યુ હોવાનો આરોપ છે. આ અત્યંત નિંદનીય ઘટનાની જાણ માતાને થતાં તેણે દીકરીના પિતા વિરુદ્ધ ફરિયાદ નોંધાવી હતી.
મળતી માહિતી પ્રમાણે, રાજકોટના કોઠારિયા સૉલવન્ટ વિસ્તારમાં ગઇકાલે બનેલી એક દુષ્કર્મની ઘટનાએ તમામને હચમચાવી નાંખ્યા છે. અહીં એક સાવકા પિતાએ પોતાની 11 વર્ષની દીકરી પર દુષ્કર્મ આચર્યુ હતુ, જ્યારે માતા કામ ગઇ હતી તે સમયે પિતાએ એકલતાનો લાભ લઇને પોતાની 11 વર્ષની દીકરી પર દુષ્કર્મ આચર્યુ હતુ.
ઘટનાની જાણ બાદમાં માતાને થઇ જતાં તેને આજીડેમ પોલીસ સ્ટેશનમાં દીકરીના પિતા વિરૂદ્ધ દુષ્કર્મની ફરિયાદ નોંધાવી હતી. હાલમાં પોલીસે દુષ્કર્મના આરોપી પિતા વિરૂદ્ધ ગુનો નોંધી તપાસ હાથ ધરી છે.
સાવકા પિતા વિરૂદ્ધ 11 વર્ષીય દીકરી સાથે શારીરિક અડપલા કરી તેમજ જાનથી મારી નાખવાની ધમકી આપવા બદલ ફરિયાદ નોંધાઈ છે. સગીરાની 30 વર્ષીય માતાએ આરોપી વિરુદ્ધ આઈપીસીની કલમ 376 (A,B), 376(2,F) તેમજ પોકસો સહિતની કલમ હેઠળ ગુનો નોંધાવ્યો છે.
તાજેતાજો ઘાણવો
- યુઝવેન્દ્ર ચહલ અને ધનશ્રીના છૂટાછેડાઃ ફેમિલી કોર્ટે આપ્યો ચુકાદો, બન્ને મોં પર માસ્ક પહેરી પહોંચ્યા કોર્ટ
- આગામી 100 કલાકમાં રાજ્યભરના ગુંડા તત્વોની યાદી તૈયાર કરવા વિકાસ સહાયનો આદેશ
- ભારતે ન્યૂઝીલેન્ડને હરાવી ત્રીજી વખત જીતી ચેમ્પિયન્સ ટ્રોફી, દુબઈમાં લહેરાવ્યો ત્રિરંગો
- અંબાલાલ પટેલની મોટી આગાહી, “એક તરફ હિમવર્ષા તો બીજી તરફ વધશે ગરમી”
- હોળાષ્ટકમાં ન કરતા આ કામ નહીં તો ભોગવવા પડી શકે છે ગંભીર પરિણામ
