Team Chabuk-Gujarat Desk: જૂનાગઢની અતિ અસરગ્રસ્ત સોસાયટઓમાં રાત્રે ફૂડ પેકેટનું વિતરણ કરાયું. જૂનાગઢમાં ભારે વરસાદની લીધે અનેક સોસાયટીમાં પાણી આવતા ઘરવખરીને પણ અસર થઈ છે. શહેરના અતિ અસરગ્રસ્ત વિસ્તારોમાં રાત્રે જૂનાગઢ જિલ્લા વહીવટી તંત્ર, મહાનગરપાલિકા અને સંસ્થાઓના સંકલનથી ફૂડ પેકેટનું વિતરણ કરવામાં આવ્યું હતું.
23 જૂનની આગાહીના પગલે જૂનાગઢમાં રાત્રે પાંચ સ્થળોએ સુરક્ષા ટીમો તૈનાત રહેશે
જૂનાગઢમાં ભારે વરસાદના પગલે NDRF અને SDRFની ટીમોએ જરૂરી રાહત બચાવવાની કામગીરી કરી હતી. આજે પણ હવામાન વિભાગ દ્વારા વરસાદની આગાહી કરવામાં આવી હોય જિલ્લા કલેકટર એસપી, મ્યુ. કમિશનરના સંકલન હેઠળ શહેરના પાંચ સ્થળોએ રાત્રે સુરક્ષા ટીમોએ પોઝિશન સંભાળી છે. એક ટીમને કલેકટર કચેરી ખાતે રાખવામાં આવી છે. બહારના જિલ્લામાંથી આવી રહેલી એક ટીમને દોલતપરામાં રાખવામાં આવશે. અન્ય એક ટીમને વિશ્વકર્મા મધુરમ વિસ્તારમાં તેમજ એક ટીમને ભવનાથમાં સ્ટેન્ડ બાય રાખવામાં આવી રહી છે.
જૂનાગઢ શહેર અને જિલ્લામાં બિનજરૂરી રીતે બહાર નીકળવા પર પ્રતિબંધ અંગેનું જાહેરનામું
લોકોને તારીખ 24 રાત્રિના બાર વાગ્યા સુધી આવશ્યક હોય તે સિવાય બિનજરૂરીતે બહાર નીકળવા પર પ્રતિબંધ લાદવામાં આવ્યો છે.જૂનાગઢના પ્રવાસન સ્થળો પર પ્રવેશ પર નિષેધ: કલેકટર અનિલ રાણા વસિયાએ લોકોની ભારે વરસાદની આગાહીના પગલે જાહેર હિતમાં જિલ્લા તંત્ર દ્વારા જાહેરનામું પ્રસિદ્ધ કર્યું છે.
અતિવૃષ્ટિની સ્થિતિમા સામૂહિક સારવાર માટે જૂનાગઢ સિવિલ હોસ્પિટલ નું તંત્ર સજ્જ
સિવિલ હોસ્પિટલમાં ઇમરજન્સીમાં 30 બેડ જનરેટર સહિતની વ્યવસ્થા છે. જૂનાગઢ જિલ્લામાં હાલની વરસાદની પરિસ્થિતિ અને હજુ બે દિવસની આગાહી ધ્યાને લઈને સિવિલ હોસ્પિટલ દ્વારા જરૂરી તકેદારીના પૂર્વ પગલાં લેવામાં આવ્યા છે. સિવિલ સર્જન ડૉ. પાલાએ જણાવ્યું હતું કે જિલ્લા કલેકટર, પોલીસ સહિતના અધિકારીઓ સાથે સિવિલ હોસ્પિટલનું તંત્રના સંપર્ક -સંકલનમાં છે અને હજુ સુધી સામૂહિક જાનહાનીનો કોઈ બનાવ- કેસ સિવિલ હોસ્પિટલમાં નોંધાયો નથી. સિવિલ હોસ્પિટલના તંત્ર દ્વારા આ સ્થિતિમાં 30 બેડ તૈયાર કરવામાં આવ્યા છે. ઓક્સિજન સહિતની વ્યવસ્થાઓ પણ છે. હાલની સ્થિતિમાં આજે 12 સગર્ભા બહેનો દાખલ કરવામાં આવી હતી. જેની તબિયત સામાન્ય છે.
અતિવૃષ્ટિની સ્થિતિમાં
અસરગ્રસ્ત ઈજાગ્રસ્ત લોકોની તાત્કાલિક સારવારમાં કોઈ તકલીફ ન પડે તે માટે જનરેટરના સેટ પણ તૈયાર રાખવામાં આવ્યા છે.જૂનાગઢમાં રાયજીબાગ વિસ્તારમાં તંત્ર દ્વારા સાફ સફાઈ અને પંપ વાટે પાણી બહાર કાઢવાની કામગીરી રાતભર ચાલું રાખવામાં આવી હતી. ધારાસભ્ય સંજય કોરડીયાએ પણ ઉપસ્થિત રહી જરૂરી માર્ગદર્શન આપ્યું હતું. ઉપર વાસમાંથી પાણી આવવાના કારણે સામરડા, શરમા, ઘોડાદર, બગસરા ઘેડ, હંટરપુર, ભાથરોટ, સાંઢા, ફુલરામાં, લાંગડ, મિતિ, ઓસા, થલી એમ માંગરોળ તાલુકાના કુલ 12 ગામના રસ્તાઓ બંધ છે.
માંગરોળ તાલુકામાં આગમચેતી પગલાના ભાગરૂપે 1,592 લોકોનું ગઈરાત્રે સ્થળાંતર થયેલું જેવો હાલ પોત પોતાના ઘરે જતા રહેલ છે હાલ સ્થળાંતર શૂન્ય છે
ઉપરવાસમાંથી આવી રહેલા પાણીને કારણે કેશોદ તાલુકાના મઢડા, બામણાસા, ઇન્દ્રાણા, મુળીયાસા, અખોદડ, સરોડ ખમીદાણા ખીરસરા અને બાલાગામના રસ્તા બંધ છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
