Team Chabuk-Gujarat Desk: રાજ્યમાં ઉનાળાનો વિધિવત રીતે પ્રારંભ થઈ ગયો છે. પરંતુ ઉનાળાની શરૂઆતમાં જ ચોમાસાના એંધાણ વર્તાઈ રહ્યા છે. રાજ્યમાં કમોસમી વરસાદની (Rain) આગાહી કરવામાં આવી છે. હવામાન વિભાગના જણાવ્યા પ્રમાણે, 3 માર્ચથી વાદળછાયું વાતાવરણ રહેશે અને 4 અને 5 માર્ચે કચ્છ, અમરેલી, જૂનાગઢ, ગીર સોમનાથ, ભાવનગર જિલ્લામાં કમોસમી વરસાદ પડી શકે છે. તો દક્ષિણ ગુજરાતના સુરત, નવસારી તેમજ દમણ અને દાદરાનગર હવેલીમાં પણ માવઠું પડવાની સંભાવના છે. જ્યારે અમદાવાદમાં સામાન્ય વરસાદની આગાહી કરવામાં આવી છે.
રાજ્યમાં કમોસમી વરસાદની આગાહીને પગલે પ્રશાસન સતર્ક બન્યુ છે. તંત્રએ ખેડૂતોને તૈયાર પાક ઉતારી લેવા, ખેત પેદાશો અને ઘાસચારાને સલામત સ્થળે ખસેડવા માટે સૂચના આપી છે.
માર્ચની શરૂઆત સાથે જ રાજ્યમાં ગરમીનો પારો વધતો જોઈ રહ્યો છે. આગામી 48 કલાકમાં તાપમાનમાં ચાર ડિગ્રી વધારાની હવામાન વિભાગે આગાહી કરવામાં આવી છે. બુધવારે રાજ્યના દસ શહેરોમાં મહત્તમ તાપમાનનો પારો 36 ડિગ્રીને પાર પહોંચી ગયો હતો. અમદાવાદમાં જ ત્રણ કલાકમાં જ 10 ડિગ્રી ગરમી વધી ગઈ હતી. બુધવારે નોંધાયેલા ગરમીના આંકડાની વાત કરીએ તો ગાંધીનગરમાં 37.5 ડિગ્રી તાપમાન નોંધાયુ છે. જ્યારે ભૂજમાં 37.4 ડિગ્રી તાપમાન નોંધાયુ હતું. આ તરફ અમદાવાદ, રાજકોટ, અને સુરેન્દ્રનગરમાં ગરમીનો પારો 37.3 ડિગ્રી પર પહોંચ્યો હતો. અમરેલીમાં 37.2 ડિગ્રી, તો કેશોદમાં 37.1 ડિગ્રી તાપમાન નોંધાયુ. ડીસામાં 36.2 ડિગ્રી, તો વડોદરા અને વલસાડમાં ગરમીનો પારો 36 ડિગ્રી પર પહોંચ્યો હતો. સુરતમાં 35.8 ડિગ્રી તો વલ્લભવિદ્યાનગર અને મહુવામાં 35.4 ડિગ્રી તાપમાન નોંધાયુ હતું. તો ભાવનગરમાં ગરમીનો પારો 35.2 ડિગ્રી પર પહોંચ્યો હતો. હજુ આગામી 48 કલાક ગરમીનો પારો વધવાની હવામાન વિભાગે આગાહી કરાઈ છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
