Team Chabuk-Gujarat Desk: કોરોના મહામારી પણ ભક્તિના પ્રવાહને રોકી શકે એમ નથી. ઉલ્ટાનું આ મહામારીને કારણે ઈશ્વર પ્રત્યેની આસ્થામાં વધારો થયો હોય એ વાતની સાબિતી એક સાથે સૌથી વધુ લોકો દ્વારા ઓનલાઈન મંત્રો બોલવાનો નોંધાયેલો વિક્રમ આપે છે. અહીંના એક સ્વામિનારાયણ મંદિરના સંતે આવો વિક્રમ નોંધાવ્યો છે.
સ્વામિનારાયણ મંદિર કારેલીબાગ વડોદરાના સ્વામી જ્ઞાનજીવનદાસજી દ્વારા એક સાથે સૌથી વધુ લોકોએ ઓનલાઈન મંત્રોચ્ચાર કરવાનો રેકોર્ડ બનાવ્યો છે. ૩૦ ડિસેમ્બર, ૨૦૨૧ ના રોજ શ્રી સ્વામિનારાયણ મંદિર- કુંડળધામ, ગુજરાત ખાતે ‘સ્વામિનારાયણ મહામંત્ર’ની ૨૨૦ મી વર્ષગાંઠની ઉજવણીમાં ૬૦૯૯૦ ભક્તોએ ૬૪ મિનિટ માટે ‘ભગવાનને રાજી કરવા’ માટે ધૂન અને મંત્રોચ્ચાર કર્યા હતા. જેના માટે ઇન્ડિયા બુક ઓફ રેકોર્ડમાં સ્થાન મળેલ છે. સ્વામિનારાયણ મહામંત્ર’ની ૨૨૦ મી જયંતી નિમિત્તે ગુજરાતના ‘ઘનશ્યામ મહારાજ’ને પ્રસન્ન કરવા માટે ૩,૩૩,૩૩૩ હાથથી લખેલા ‘સ્વામિનારાયણ’ મહામંત્રો વાળા વાઘા બનાવી અર્પણ કરવામાં આવ્યા હતા. જેને પણ એશિયા બુક ઓફ રેકોર્ડ માં સ્થાન મળેલ છે. તેવી માહિતી શ્રી ઘનશ્યામ સ્વામીએ આપી હતી.
આ પહેલા પણ શ્રી હરિચરિત્રામૃત સાગર ગ્રંથને ટાઇટેનિયમ ધાતુમા કંડારવા બદલ શ્રીજ્ઞાનજીવનદાસજી સ્વામીને ઇન્ડિયા બુક ઓફ રેકોર્ડસ અને એશિયા બુક ઓફ રેકોર્ડસ દ્વારા ‘લાર્જેસ્ટ હિન્દી મેન્યુસ્ક્રીપટ ઓન ટાઇટેનિયમ શીટ’ની વિક્રમ માન્યતા અને પદક પણ આપવામાં આવ્યા છે.
સ્વામિનારાયણ મંદિર કારેલીબાગ વડોદરા ખાતે પરમ ભક્ત શ્રી કાંતિભાઈ પટેલ તથા શ્રી પંકજભાઈ પટેલ, ચેરમેન ડો. હિતેન્દ્ર પટેલ તથા અન્ય મહાનુભવો દ્વારા આ વિક્રમલેખને સંતોને અર્પણ કરાયો હતો. શ્રીસ્વામિનારાયણ ભગવાન ને ૩,૩૩,૩૩૩ હાથથી લખેલા ‘સ્વામિનારાયણ’ મહામંત્રો વાળા વાઘા ધરાવવામાં આવેલ છે. તેમના દર્શન અર્થે તથા સંતોની શુભેચ્છા મુલાકાત લીધી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
