Team Chabuk-Gujarat Desk: વડોદરાની એક પરણિત યુવતીના સપનાઓ ત્યારે ચકનાચૂર થઈ ગયા હતા જ્યારે તેને ખબર પડી કે તેનો પતિ તો નપુંસક છે. પાંચ વર્ષથી એક પણ વખત શરીર સુખ ન આપનારો પતિ અને દહેજ માટે અવારનવાર ત્રાસ આપનારા સાસરિયાઓની વિરૂદ્ધ યુવતીએ ફરિયાદ નોંધાવી છે.
2017માં આ યુવતીના લગ્ન ચાર્ટડ એકાઉન્ટન્ટ પતિની સાથે થયા હતા. યુવતીના પિતાએ 1.50 કરોડ રૂપિયા દહેજમાં આપ્યા હતા. આ સિવાય એક કરોડના સોના-ચાંદીના દાગીના તો નોખા. તોપણ દહેજ માટે અકરાંતિયા બનેલા આ સાસરિયાઓ 50 લાખની વધુ માગણી કરતા હોય આખરે યુવતીએ પોલીસ સ્ટેશને ફરિયાદ નોંધાવી હતી.
આ પરિણીતા દ્વારા એવા આક્ષેપ કરવામાં આવ્યા છે કે, લગ્નજીવનને પાંચ વર્ષના વહાણ વિતી ગયા છતાં પતિ શારીરિક સુખ આપતો નહોતો. આ માટે દવા કરવાનું કહેતા એ પણ કરતો નહોતો. માતા પિતા પોતાના નપુંસક પુત્રને ધમકી આપતા હતા અને પરિણીતાને માર મરાવવાનું કહેતા હતા. પતિને જ્યારે મોટા ઉપાડે થાઈલેન્ડ અને દુબઈનો પ્રવાસ કરવો હતો, ત્યારે એ પણ પરિણીતાના પિતાએ કરાવી આપ્યો હતો. તેમ છતાં પરિણીતા પર દહેજનું દબાણ નાખવામાં આવતું હતું.
સિગારેટ પીવાનો શોખીન એવો પતિ દારૂનો નશો કરી મોડી રાત્રે ઘરે આવતો હતો અને ઝઘડો થતો ત્યારે સિગરેટના ડામ દેવાની ધમકી ઉચ્ચારતો હતો. એટલું જ નહીં તેની શારીરિક સમસ્યા અંગે પરિણીતા જ્યારે વાત કરતી હતી ત્યારે તેને ખરું ખોટું બોલી બાલ્કનીમાંથી ફેંકી દેવાનું કહેતો હતો.
આખરે કંટાળેલી પરિણીતાએ સમગ્ર પરિવારની વિરૂદ્ધ ગોરવા પોલીસ મથકમાં ફરિયાદ નોંધાવી છે. જેમાં પતિ અને તેના સાસુ-સસરાનો સમાવેશ થાય છે. સાસુ-સસરાએ તેને દહેજ માટે માનસિક ત્રાસ આપ્યો, તો પતિએ સોહાગણના સપનાઓ પૂરા ન કર્યા. પોલીસે ફરિયાદના આધારે આગળની કાર્યવાહી હાથ ધરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
