Team Chabuk-Gujarat Desk: જીવનમાં ક્યારે શું થઈ જાય કહી શકાય નહીં. શરીરમાંથી જીવ ક્યારે ચાલ્યો જાય તેની ખબર રહેતી નથી. વડોદરા શહેરમાં એક કાચા હ્રદયના લોકોને હચમચાવી દેતી ઘટના સામે આવી છે. મંદિરમાં દર્શના કરવા આવેલા બિલ્ડરનું ભગવાનની સન્મુખ જ હાર્ટ એટેક આવતા મોત થયું છે. સમગ્ર બનાવના CCTV ફૂટેજ સામે આવ્યા છે. જે લોકોને હચમચાવી મૂકે તેવા છે.
વડોદરા શહેરમાં આવેલા સ્વામિનારાયણ મંદિરમાં વલસાડના બિલ્ડરનું હાર્ટ એટેક આવવાથી મોત થયું છે. પત્ની સાથે મંદિર ભગવાન સ્વામિનારાયણના દર્શન કરવા આવેલા બિલ્ડરને મંદિરમાં જ હાર્ટ એટેક આવી ગયો હતો અને તેમનું મોત થઈ ગયું હતું. હાલ હાર્ટ એટેકનો વીડિયો સામે આવ્યો છે. જેમાં બિલ્ડરનું મોત કેદ થયું છે.
વડોદરા શહેરના સ્વામિનારાયણ મંદિરમાં વલસાડના બિલ્ડર જયંતીભાઈ ખેલપ મંદિરે દર્શનાર્થે આવ્યા હતા. ઘટના 8 જુલાઈની છે. બપોરે પોણા બે વાગ્યાની આસપાસ વલસાડના બિલ્ડર જયંતીભાઈ ખેલપ વડોદરાના સ્વામિનારાયણ મંદિરમાં દર્શન કરવા માટે આવે છે. ભગવાનની સન્મુખ હાથ જોડીને થોડીવાર માટે તેઓ ઉભા રહે છે. બાદમાં માથું ટેકવે છે. માથું ટેકવ્યા બાદ હાર્ટ એટેક આવતાં તેઓ સંતુલન ગુમાવી બેસે છે અને માથું ટેકવ્યાની પાંચ જ સેકન્ડમાં જમીન પર ઢળી પડે છે. બિલ્ડર જયંતીભાઈને અચાનક આ રીતે જમીન પર પડતાં જોઈને આસપાસ દર્શન કરી રહેલા અન્ય દર્શનાર્થીઓ પણ હેબતાઈ જાય છે.
વડોદરા સ્વામિનારાયણ મંદિરમાં બિલ્ડરને હ્રદય રોગનો હુમલો આવતા મોત#CCTV #live #Vadodara pic.twitter.com/1LfE9qzNjq
— thechabuk (@thechabuk) July 16, 2021
આસપાસ દર્શન કરી રહેલા દર્શનાર્થીઓ પણ ગભરાઈ જાય છે અને દોડીને જયંતીભાઈ પાસે આવે છે. પરંતુ બિલ્ડર જયંતીભાઈ ખેલપને પ્રાથમિક સારવાર મળે તે પહેલાં જ તેનું મોત થઈ જાય છે. દર્શન કરતાં કરતાં ભગવાન સ્વામિનારાયણના ચરણોમાં જ મૃત્યું થતાં ભક્તોમાં ચકચાર મચી ગઈ છે. ઘટનાના એક સપ્તાહ બાદ મંદિરના CCTV સામે આવ્યા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
