Team Chabuk-Gujarat Desk: વૃદ્ધાને પોતાના ખભા પર ઉંચકીને લઈ જતો મહિલા પોલીસ કર્મચારીનો એક વીડિયો હાલ ખૂબ જ વાઈરલ થઈ રહ્યો છે. અને આ મહિલા પોલીસ કર્મચારીના સૌકોઈ વખાણ કરી રહ્યું છે. પોલીસ પ્રજાનો મિત્ર રાજ્ય સરકારના પોલીસ વિભાગના આ સુત્રને ખાખીની ખુમારી દર્શાવતા રાપરના લોકરક્ષક મહિલા પોલીસ કર્મચારી વર્ષાબેન માવજીભાઈ પરમારે સાર્થક કરી છે.
વિશ્વ પ્રસિદ્ધ હડપ્પન સંસ્કૃતિના અવશેષો ધરાવતા ખડીર દ્વીપમાં તાજેતરમાં ખડીરના ધોળાવીરાથી ૧૦ કિ.મી દૂર આવેલા ભંજડા દાદાના મંદિરે મોરારી બાપુની રામકથા યોજાઈ હતી. નવા ભંજડા દાદાના મંદિરથી ૫ કિ.મી દૂર સફેદ રણમાં એક મોટો ડુંગર આવેલો છે. આ ડુંગર ઉપર જૂના ભંજડા દાદાનુ મંદિર આવેલું છે તે દરમિયાન મોરારી બાપુની રામકથા સાંભળવા આવતા ભક્તો અવાર નવાર આ ડુંગર પર ચાલીને દર્શન કરવા જતા હતા.
આવા જ એક ૮૬ વર્ષના શ્રધ્ધાળુ વૃધ્ધ માજી પણ ડુંગર ઉપર બેઠેલા જૂના ભંજડા દાદાના દર્શન કરવાની ઈચ્છા થતાં એ પણ ચાલી નિકળ્યા. છેક ડુંગર સુધી પહોંચીને અડધા ડુંગર ચડતા ચક્કર આવીને પડી ગયા અને ત્યાં આજુબાજુ રણ વિસ્તાર હોવાથી પીવાનું પાણી ન મળવાના કારણે બેહોશ થઈ ગયા તે વખતે ત્યાં મોરારી બાપુની રામકથા યોજાઈ હોવાથી ત્યાં બંદોબસ્તમાં હાજર રાપર પોલીસ સ્ટેશનમાં ફરજ બજાવતા લોકરક્ષક મહિલા પોલીસ કર્મચારી વર્ષાબેન માવજીભાઈ પરમારને ખબર પડતાં પાણી લઈને ૫ કિ.મી દોડતા ત્યાં પહોંચીને માજીને મોઢા પર પાણી છાંટી પ્રાથમિક સારવાર આપી, પાણી પીવડાવીને એમને કથા સ્થળ પર ૫ કિ.મી તેમના ખભા પર ઉંચકીને લઈ આવ્યા હતાં.
આમ ૮૬ વર્ષના વૃધ્ધ માજીને મદદ કરી વર્ષાબેને તેમની માનવતા અને ગુજરાત પોલીસનું ધ્યેય વાક્ય સેવા સુરક્ષા અને શાંતિને હકીકતમાં સાર્થક કરી બતાવી છે કે પોલીસ સામાન્ય અને અશકત લોકો માટે ગમે તેવી પરિસ્થિતિમાં ખડે પગે રહી લોકોની સુરક્ષા-સહાય અને સલામતી માટે તૈયાર રહે છે. ઉલ્લેખનીય છે કે ગૃહરાજ્ય મંત્રી હર્ષ સંઘવીએ પણ તેમની આ ખાખીની માનવતાને બિરદાવતા તેમના સેવાના ઉદાહરણને સૌ માટે પ્રેરણાદાયક ગણાવ્યું હતું.
"खाखी की मानवता"
— Harsh Sanghavi (@sanghaviharsh) April 22, 2022
कच्छ के रापर में मोरारीबापू जी की कथा सुनने हेतु पैदल चलते जा रहे 86 वर्षीय बुजुर्ग को स्वास्थ्य परेशानी होने के कारणवश, एक महिला पुलिस अधिकारी वर्षाबेन परमार जी ने उन्हे 5 कि.मी तक अपने कंधों पर बिठाकर गंतव्य स्थान तक पहुंचाकर सेवा का उत्कृष्ट उदाहरण पेश किया। pic.twitter.com/FZxTLWVbGD
આ અંગે પૂર્વ કચ્છ પોલીસ વડા મહેન્દ્ર બગડીયાએ પૂર્વ કચ્છ પોલીસના મહિલા કર્મચારી વર્ષાબેનની કામગીરીને બિરદાવી હતી. ભચાઉ પોલીસ અધિક્ષક કે.જી ઝાલાએ જણાવ્યું હતુ કે મહિલા કર્મચારી વર્ષાબેનની સેવા કામગીરી માટે અમને સૌને ગર્વ છે તો રાપર પોલીસ ઈન્સ્પેક્ટર એમ. એન. રાણાએ પોતાની પ્રતિક્રિયા આપતા જણાવ્યું હતું કે પોલીસ હર હંમેશ સેવા માટે તત્પર હોય છે. કાયદો અને વ્યવસ્થા જાળવવા માટે તેમજ કુદરતી આફતો અને બુઝુર્ગ લોકો માટે તેમજ મહિલા બાળકો માટે અને કાયદો વ્યવસ્થા જાળવવા માટે દરેક પોલીસ કર્મચારીઓ તત્પર રહે છે અને લોકોની સેવા કરી રહ્યા છે તેમ જણાવ્યુ હતું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
