Team Chabuk-Sports Desk: ભારતીય ક્રિકેટર વિરાટ કોહલી અને અભિનેત્રી અનુષ્કા શર્મા બીજી વખત માતા-પિતા બન્યા છે. અભિનેત્રી અનુષ્કા શર્માએ દિકરાને જન્મ આપ્યો છે. અનુષ્કા શર્મા અને વિરાટ કોહલી બંનેએ ઈન્સ્ટાગ્રામ પર આ જાણકારી ફેન્સ સાથે શેર કરી હતી. અનુષ્કાએ જણાવ્યું કે તેણે 15 ફેબ્રુઆરીએ તેના બીજા બાળકનું સ્વાગત કર્યું છે. અનુષ્કાએ પોસ્ટમાં તેના પુત્રનું નામ પણ જાહેર કર્યું છે. બાળકનું નામ અકાય (Akkay) રાખવામાં આવ્યું છે.
કોહલી પોસ્ટમાં લખ્યું- ‘આનંદ અને પ્રેમથી ભરેલા હૃદય સાથે, અમને બધાને જણાવતા આનંદ થાય છે કે 15 ફેબ્રુઆરીએ, અમે અમારા બાળક અકાય (Akkay) અને વામિકાના નાના ભાઈનું આ દુનિયામાં સ્વાગત કર્યું! અમારા જીવનના આ સુંદર તબક્કામાં અમે તમારી પ્રાર્થના અને શુભેચ્છાઓ માંગીએ છીએ. અમે તમને વિનંતી કરીએ છીએ કે કૃપા કરીને આ સમયે અમારી ગોપનીયતાનો આદર કરો.
તમને જણાવી દઈએ કે અનુષ્કા શર્માની બીજી પ્રેગ્નન્સીના સમાચાર ઘણા સમયથી સામે આવી રહ્યા હતા. અભિનેત્રી લાંબા સમયથી જાહેરમાં દેખાતી નહોતી. પરંતુ અનુષ્કા શર્માએ પોતાની પ્રેગ્નન્સીના સમાચાર પર મૌન જાળવ્યું હતું. જ્યારે વિરાટ કોહલીએ પણ આ અંગે કોઈ પ્રતિક્રિયા આપી નહોતી. જો કે, વિરાટ કોહલીના ભૂતપૂર્વ રોયલ ચેલેન્જર્સ બેંગ્લોર ટીમના સાથી એબી ડી વિલિયર્સે પણ ખુલાસો કર્યો હતો કે દંપતી તેમના બીજા બાળકનું સ્વાગત કરવા જઈ રહ્યું છે.
એબી ડી વિલિયર્સે આ સમાચારની પુષ્ટિ કરી હતી
યુટ્યુબ લાઈવમાં એબી ડી વિલિયર્સે કહ્યું હતું કે, ‘હા, તેને બીજું બાળક આવવાનું છે. આ પારિવારિક સમય છે અને વસ્તુઓ તેમના માટે મહત્વપૂર્ણ છે. જોકે, બાદમાં ડી વિલિયર્સે પોતાનું નિવેદન પાછું ખેંચ્યું હતું અને કહ્યું હતું કે તેણે લાઈવ વીડિયોમાં ખોટી માહિતી આપી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
