Team Chabuk-Gujarat Desk: સુરેન્દ્રનગરમાં જિલ્લામાંથી પસાર થતાં અમદાવાદ-લીંબડી હાઈવે પર હિટ એન્ડ રનની ઘટના બની છે. જેમાં એક મહિલા અને બાળકનું મોત નિપજ્યું છે. હાઈવે પર ઊભેલા પરિવારને અજાણ્યા કાર ચાલકે ટક્કર મારી હતી. આ ટક્કરમાં એક બાળક અને મહિલાનું કરુણ મોત નિપજ્યું છે. જ્યારે 3થી વધુ લોકોને ગંભીર ઈજાઓ પહોંચી છે. ઘટનાની જાણકારી મળતા જ પોલીસ ઘટના સ્થળે પહોંચી હતી અને કાર ચાલકને ઝડપી પાડવા તપાસ શરૂ કરી હતી.
મળતી માહિતી પ્રમાણે, લીંબડી-અમદાવાદ હાઈવે પર જનસાળી ગામ નજીક પરિવાર હાઈવે પર ઊભો હતો ત્યારે જ પૂરપાટ ઝડપે આવેલી કારે પરિવારને ટક્કર મારી હતી. કારની ટક્કર એટલી જોરદાર હતી કે એક બાળક અને મહિલાનું સ્થળ પર જ મોત નિપજ્યું હતું. જ્યારે અન્ય 3 લોકોને ગંભીર ઈજાઓ પહોંચતા આસપાસમાંથી લોકો દોડી આવ્યા હતા અને ઈજાગ્રસ્તોને હોસ્પિટલમાં ખસેડવામાં આવ્યા હતા.
બીજી તરફ પરિવારને ટક્કર મારીને અજાણ્યો કાર ચાલક ફરાર થઈ ગયો હતો. ઘટનાને લઈને પોલીસ દોડતી થઈ હતી અને મૃતકોને પોસ્ટ મોર્ટમ માટે ખસેડવામાં આવ્યા હતા. તો 3 ઈજાગ્રસ્તોને સારવાર માટે સિવિલ હોસ્પિટલમાં ખસેડવામાં આવ્યા છે. હાલ આ મામલે પોલીસ કાર ચાલકને પકડવા તપાસ કરી રહી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
