Team Chabuk-Gujarat Desk: જૂનાગઢમાં લોભામણી જાહેરાત આપી પૈસા લઈ હાથ અધ્ધર કરી દેતા દંપતી સામે ગઇકાલે પોલીસ ફરિયાદ દાખલ થઈ હતી. જેમના સીસીટીવી સામે આવ્યા છે. જેમાં આરોપી દંપતી સાર્થક એપાર્ટમેન્ટમાંથી અલગ અલગ છ બેગો ભરી ફરાર થતું નજરે પડે છે. આ અંગે મળતી માહિતી મુજબ જૂનાગઢ જિલ્લા પંચાયતનો નિવૃત કર્મચારી બિપીન ધોળકિયા શહેરમાં 25 વર્ષથી લક્ષ્મી જવેલર્સની પેઢી ધરાવતો હતો. જે સોના-ચાંદીનાના દાગીના લે-વેચ કરતાં હોય જેણે સાથે ‘શ્રીનાથજી ગૃપ’ નામની ઈનામી યોજના શરૂ કરી હતી. જેમાં દર મહિને રુપિયા 1200 ભરીને સરળ હપ્તે સોના-ચાંદીના દાગીના બનાવો, માસીક બચત યોજનામાં જોડાઇ મહિને 28 હજાર 800ના દાગીના જીતો જેવી લોભામણી સ્ક્રીમ બહાર પાડી લોકોને વિશ્વાસમાં લીધા હતા. અલગ અલગ ગ્રાહકો પાસેથી લાખો રુપિયા પડાવી છૂમંતર થઇ ગયો હતો.
બિપીન ધોળકિયા અને તેની પત્ની ઉષા ધોળકિયાએ શહેરના હરસુખભાઈ કતકપરા પાસેથી રૂ. 10 હજાર 500 તથા સોનાના દાગીના જેમાં માળા, તથા સોનાનો હાંસડી હાર, બુટીયા જેની કિ.રૂ 2 લાખ. માયાબેન રાઠોડ પાસેથી રૂ.1 લાખ 50 હજાર 800, હેમાંગભાઇ ચુડાસમા પાસેથી રૂ.1 લાખ 20 હજાર 200 અને તેજયભાઇ ચુડાસમા પાસેથી 1 લાખ 50 હજાર સ્કીમના હપ્તા લઈ, કુલ રૂપિયા 6 લાખ 31 હજાર 300 લઇને ભાગી જતા પોલીસ ફરિયાદ નોંધાઇ હતી.
પોલીસ ફરિયાદના આધારે તપાસ હાથ ધરી હતી. જેમાં પોલીસે આરોપી દંપતી જ્યાં રહેતું હતું તે સાર્થક એપાર્ટમેન્ટના સીસીટીવી ચેક કરતા આરોપી દંપતી છ બેગો ભરી ફરાર થતું કેમરામાં કેદ થયું છે. હવે પોલીસે સીસીટીવી મેળવી આ અંગે વધુ તપાસ હાથ ધરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
