Team Chabuk-Gujarat Desk: સુરતના પાંડેસરામાંથી ગૂમ થયેલી શ્રમજીવી પરિવારની અઢી વર્ષની બાળકી પોલીસની મદદથી હેમખેમ ઘરે પરત ફરી છે. પોલીસે બાળકીને તેના માતા-પિતાને પરત સોંપી છે. ભારે જહેમત બાદ બાળકીને સહીસલામત શોધી લેવાઈ હતી. પાંડેસરા વિસ્તારમાંથી ગૂમ થયેલી બાળકી તેના ઘર નજીક આવેલી સાંઈ સોસાયટીમાં રહેતા દંપતીને ત્યાંથી જ મળી આવી છે. દંપતીએ દાવો કર્યો છે કે, તેઓ જ્યારે શાકભાજીની ખરીદી કરવા ગયા ત્યાં એક બાળકી રડી રહી હતી જેને સંજય અને પૂજા નામના વ્યક્તિ પોતના ઘરે લઈને આવ્યા અને દીકરીને જેમ રાખી હતી. રાત્રે દંપતીએ બાળકીને પોતાના ઘરે જ સુવડાવી દીધી હતી. દંપતીએ કહ્યું કે કોઈ શોધવા આવે તેની રાહ જોઈ રહ્યા હતા. જો કે, હાલ પોલીસ આ દંપતીની પૂછપરછ કરી રહી છે.
બીજી તરફ બાળકીના માતા-પિતા ખૂબ જ ચિંતિત હતા. જેને લઈને તેઓ પોલીસ સ્ટેશને પહોંચ્યા હતા. બાળકી ગૂમ થવાની ફરિયાદ નોંધાતા જ સુરત પોલીસ સક્રિય થઈ ગઈ હતી. અને તાત્કાલિક અલગ-અલગ ટીમ બનાવી તપાસ શરૂ કરી હતી.
બાળકીને શોધવા માટે પોલીસે અલગ-અલગ 15 ટીમ બનાવી હતી.15 ટીમમાં કુલ 250 પોલીસકર્મીને સામેલ કરાયા હતા. તેમજ બાળકીના પોસ્ટર તથા સમગ્ર વિસ્તારમાં શેરીઓમાં રિક્ષા મારફતે માઈકમાં એનાઉન્સ પણ કર્યું હતું. તપાસમાં પાંડેસરા પોલીસની સાથે ક્રાઈમ બ્રાન્ચ, એસઓજી, અને પીસીબીની ટીમો પણ જોડાઈ હતી. પોલીસે આજુબાજુના વિસ્તારમાં અંદાજિત 300 જેટલા સીસીટીવી કેમેરા પણ ચેક કર્યા હતા. જેમાં બાળકીને એક શાકભાજીની લારી પાસે રમતી જોવા મળી હતી ત્યારબાદ એક દંપતી તેને લઈ જતું હોવાનું પણ જાણવા મળ્યું હતું.
સુરતમાં ગુમ થયેલી બાળકી 15 કલાક બાદ મળી pic.twitter.com/xKUndyShhH
— thechabuk (@thechabuk) March 3, 2022
આ ફૂટેજના આધારે પોલીસે દંપતીના ઘર સુધી પહોંચી હતી. જ્યાં બાળકી પણ મળી આવી હતી. બાળકી હેમખેમ મળી આવતા શ્રમજીવી પરિવાર રાહતનો શ્વાસ લીધો છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
