Team Chabuk-Gujarat Desk: હાર્ટ એટેકના એટલા બધા કેસ સામે આવી રહ્યા છે કે લોકો અને ડૉક્ટર પણ ચિંતામાં છે. રાજકોટમાં દરરોજ હાર્ટ એટેકના બનાવો સામે આવે છે. આજે વધુ બે યુવકોના હાર્ટ એટેકથી મોત થયા છે. હાર્ટ એટેકથી વધુ બે યુવકોના મોત થયા ચકચાર મચી ગઈ છે.
રાજકોટ પોલીસના જણાવ્યા અનુસાર, કોઠારીયા મેઇન રોડ ઉપર ખોખડદડ નદી પાસે આવેલા ઓમ ઉદ્યોગનગરમાં રહેતા અને કારખાનામાં મજૂરી કામ કરતા રસીદખાન નથુખાન બાર નામનો 34 વર્ષનો યુવાન કારખાનામાં હતો ત્યારે બેભાન હાલતમાં ઢળી પડ્યો હતો. યુવકને બેભાન હાલતમાં સારવાર માટે સિવિલ હોસ્પિટલમાં ખસેડવામાં આવ્યો હતો, જ્યાં તેનું હાર્ટ એટેકથી મોત નીપજ્યું હોવાનું તબીબોએ જણાવતા શ્રમિક પરિવારમાં ગમગીની છવાઈ જવા પામી હતી.
રાજકોટ તાલુકાના કોઠારીયા ગામે રહેતા રાજેશભાઈ ગોરધનભાઈ ભૂત નામના 45 વર્ષનો યુવાન સવારના દસેક વાગ્યાના અરસામાં ખોરાણા ગામે આવેલી પોતાની વાડીએ હતા, ત્યારે રાજેશભાઈ ભૂતને હૃદય રોગનો હુમલો આવ્યો હતો. જેથી રાજેશભાઈને તાત્કાલિક સારવાર માટે રાજકોટ સિવિલ હોસ્પિટલમાં દાખલ કરવામાં આવ્યા હતા. જ્યાં તેમની સારવાર કારગત નીવડે તે પૂર્વે જ ફરજ પરના તબીબે જોઈ તપાસી મૃત જાહેર કર્યા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
