Team Chabuk-Gujarat Desk: બનાસકાંઠામાં લૂંટની ઘટના સામે આવી છે. પાલનપુર-ડીસા નેશનલ હાઇવે પર લૂંટની ઘટના બની છે. ફિલ્મી ઢબે લૂંટ ચલાવી આરોપીઓ ફરાર થઇ ગયા હોવાનું જાણવા મળી રહ્યું છે. વેપારીની કારને ગાડીથી ટક્કર મારી લૂંટ ચલાવવામાં આવી છે. વેપારી પાસેથી અંદાજે 7 લાખની લૂંટ ચલાવવામાં આવી છે, જ્યારે આ ઘટનામાં ઈજાગ્રસ્ત વેપારીને હોસ્પિટલ ખેસડવામાં આવ્યો છે.
પાલનપુર-ડીસા નેશનલ હાઇવે પર લૂંટના ફિલ્મી દ્રશ્યો સર્જાયા હતા. વેપારી પાસેથી 7 લાખની લૂંટ કરી અજાણ્યા શખ્સો થયા ફરાર છે. કુષ્કલના પાટીયા નજીક વેપારી ગાડી લઇને પસાર થઇ રહ્યા હતા, ત્યારે અચાનક જ ઇકો ગાડીએ ટક્કર મારી હતી. કોઇ સમજાય તે પહેલા જ ઇકો ગાડીમાં સવાર આરોપીઓએ લૂંટ ચલાવી હતી. વેપારી ડીસાથી પાલનપુર આવતો હતો તે સમયે ઇકો ગાડીમાં આવેલા 7 લોકો લૂંટ ચલાવી ફરાર થઇ ગયા હતા. ટક્કર મારી લૂંટ ચલાવતાં હાઇવે પર જ જાણે રિયલ ફિલ્મી દ્રશ્યો સર્જાયા હતા. ઘટનાને પગલે ટ્રાફિકજામ થયો હતો, જ્યારે LCB, SOG સહિત સ્થાનિક પોલીસ ઘટના સ્થળે દોડી આવી હતી.
લૂંટની ઘટનામાં વેપારીને ઇજા પહોંચી છે. માથાના ભાગે ઇજા પહોંચતા વેપારીને તાત્કાલિક હોસ્પિટલ ખસેડવામાં આવ્યા છે. જ્યારે પોલીસે લૂંટની ઘટના મામલે સીસીટીવી ફૂટેજના આધારે તપાસ હાથ ધરી છે. આરોપીઓ વેપારીનો ક્યાંથી પીછો કરી રહ્યા હતા અને ગુનામાં વપરાયેલી ગાડી અંગે પણ તપાસ કરવામાં આવી રહી છે. સાથે જ વેપારીનું નિવેદન લઇને સમગ્ર ઘટના અંગે માહિતી મેળવવા કાર્યવાહી હાથ ધરાઇ છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
