પોલીસે મોરબીમાં જુગારધામ પર દરોડો પાડ્યો ત્યારે સાત મહિલાઓ પત્તા ટીંચી રહી હતી

Team Chabuk-Gujarat Desk: શ્રાવણ મહિનો નજીક આવી રહ્યો છે ત્યારે રાજ્યમાં ઠેર ઠેર શ્રાવણિયો જુગાર રમવાનું ચાલુ થઈ ગયું છે. વરસાદની મોસમની સાથે સાથે જુગારની પણ મોસમ ખીલી છે. ત્યારે મોરબીમાં મહિલા સંચાલિત જુગારધામ ઝડપાયું છે. પોલીસે દરોડા પાડીને જુગાર રમતી સાત મહિલાઓને રંગે હાથ ઝડપી લીધી છે. આ જુગારધામમાંથી પોલીસે 1,76,950 રૂપિયા રોકડ પણ જપ્ત કરી છે. મોરબી શહેરમાંથી મહિલા સંચાલિત જુગારધામ ઝડપાતા આ મુદ્દો ટોક ઓફ ધ ટાઉન બન્યો છે.

જિલ્લા પોલીસવડા એસ.આર.ઓડેદરા અને નાયબ જિલ્લા પોલીસવડા રાધિકા ભારાઈની સૂચના મુજબ બી ડિવિઝન પોલીસ શહેરમાં જુગારના દુષણને ડામવા બી ડિવિઝન પોલીસ સ્ટેશનના પી.આઈ વી.એલ. પટેલ પ્રયત્નશીલ છે. આ દરમિયાન બી ડિવિઝન પોલીસ સ્ટેશનના હેડ કોન્સ્ટેબલ વનરાજ ચાવડાને ચોક્કસ બાતમી મળી હતી કે શહેરની ઉમા ટાઉનશીપમાં આવેલા વિનાયક એપાર્ટમેન્ટ ડી-103માં રહેતા કિરણબેન પ્રવિણભાઈ બુડાસણા બહારથી મહિલાઓને બોલાવીને જુગારનો અડ્ડો ચલાવી રહ્યા છે. આ ચોક્કસ બાતમીના આધારે બિ ડિવિઝન પોલીસ સ્ટેશનની ટીમે ઉમા ટાઉનશીપમાં વિનાયક એપાર્ટમેન્ટમાં દરોડો પાડ્યો હતો. જેમાં સાત મહિલાઓ પના ટીંચતી રંગેહાથ ઝડપાઈ ગઈ હતી.

જુગારના દરોડામાં ઝડપાયેલી મહિલાઓ

પોલીસે સાત મહિલાઓને જુગાર રમતા ઝડપીને તેઓની પાસેથી કુલ 1,76,950 રૂપિયાની રોકડ રકમ સહિતના મુદ્દામાલ જપ્ત કર્યો હતો. આ મામલે પોલીસે વધુ કાર્યવાહી આગળ વધારી છે.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત