Team Chabuk-Gujarat Desk: જૂનાગઢના ચાર લબરમૂછિયાઓ એક યુવતીને હેરાન કરી રહ્યા હતા. તેને દબાણવશ મિત્રતા રાખવાનું કહી રહ્યા હતા. યુવતીએ મિત્રતા રાખવાથી નનૈયો ભણી દેતા તેમણે યુવતીના વ્હિકલને નુકસાન પહોંચાડ્યું હતું. એટલું જ નહીં દાદાગીરી કરતા યુવતીના ઘર પાસે આવી તેને ગાળો પણ ભાંડી હતી. જોકે યુવતીએ હિંમત દાખવી આ ચારે યુવકોની વિરૂદ્ધ પોલીસ ફરિયાદ નોંધાવી હતી. પોલીસે ફરિયાદના આધારે આગળની કાર્યવાહી હાથ ધરી છે.
ગુજરાતમાં યુવતીઓની અસુરક્ષાનો મુદ્દો છેલ્લા કેટલાક વખતથી ચર્ચાય રહ્યો છે. એવામાં હવે જૂનાગઢમાં યુવતીને પરાણે મિત્ર બનવાનું કહેતા ચાર યુવકોની વિરૂદ્ધ પોલીસ ફરિયાદ નોંધાઈ છે. આ ચારે યુવકોનું નામ યાજ્ઞિક ભેસાણીયા, હર્ષ ઝાંઝમેરીયા, રાજન જેઠવા અને પ્રિન્સ વાઘેલા છે.
આ ચારે યુવકો યુવતીનો પીછો કરતા હતા. તેને પરાણે મિત્રતા રાખવાનું કહેતા હતા. મિત્રતા ન રાખે તો ધમકાવતા હતા. યુવતીની ગાડીને પણ આ ચારે યુવકોએ સાત હજાર જેટલા રુપિયાનું નુકસાન પહોંચાડ્યું હતું. યુવતી તોપણ ન માની એટલે તેના ઘર પાસે આવી અપશબ્દો બોલી તેને મિત્રતા રાખવાનું કહેતા હતા. અંતે પરેશાન યુવતીએ આ ચારે યુવકો વિરૂદ્ધ પોલીસ સ્ટેશનમાં ફરિયાદ નોંધાવી છે. પોલીસે ફરિયાદના આધારે આગળની કાર્યવાહી હાથ ધરી છે.
(પોસ્ટરમાં આપેલ તસવીર પ્રતીકાત્મક છે.)
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
