Team Chabuk-Gujarat Desk: અમદાવાદ શહેરમાં જાહેરમાં યુવતી સાથે છેડતીનો બનાવ બન્યો છે. અહીં એક યુવતી પોતાની બહેનપણીની સાથે લારી પર દાબેલી ખાવા માટે જતી હતી જ્યાં એક યુવકે તેની છાતી પર હાથ ફેરવ્યો હતો અને માર માર્યો હતો. આ સમગ્ર ઘટનાની હાલ પોલીસ ફરિયાદ નોંધાઈ છે.
અમદાવાદ જેવા મહાનગરમાં, જ્યાં કોઈ પણ વિસ્તારમાં લોકોની ભીડ હોય જ છે ત્યાં એક નરાધમે યુવતીની છાતી પર સ્પર્શ કર્યો હતો. ઘટનાની પ્રાપ્ત વિગતો કંઈક એવી છે કે અમદાવાદના એક ચોક્કસ વિસ્તારમાં એક મહિલા બે દીકરા અને દીકરી સાથે રહે છે. તેણી ઘરકામ કરીને પોતાનું ગુજરાન ચલાવે છે. બીજી તરફ તેમની પુત્રી પણ ઘરકામ કરી પરિવારને ટેકો પૂરો પાડે છે.
આ મહિલાએ પોતાની પોલીસ ફરિયાદમાં લખાવ્યું છે કે, તેણી જ્યારે કામના સ્થળ પર જતી હતી ત્યારે તેમની પુત્રીનો ફોન આવ્યો હતો. ફોનમાં તેની પુત્રીએ પોતાની વ્યથા ઠાલવતા કહ્યું હતું કે તે બહેનપણી સાથે દુકાને દાબેલી ખાવા માટે જતી હતી. અહીં ઘરની સામે રહેતા યુવકે તેને અટકાવી હું મારી બહેનપણી સાથે કેમ જાઉં છું? એમ પૂછ્યું હતું.
મહિલાની પુત્રીએ હિંમત કરી યુવકને કહ્યું હતું કે અમે ક્યાંય પણ જઈએ તેની સાથે તારે શું વાંધો છે? આ મારી મિત્ર છે, તેની સાથે હું ક્યાંય પણ જાઉં તને શું તકલીફ? આ વાતથી યુવક આવેશમાં આવી ગયો હતો, ઉશ્કેરાઈને તેણે યુવતીના છાતીના ભાગે સ્પર્શ કર્યો હતો. મહિલા પુત્રીની આ વાત સાંભળી પોતાના ઘરે આવી હતી અને યુવકની વિરુદ્ધ પોલીસ સ્ટેશનમાં ગુનો દાખલ કર્યો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
