Team Chabuk-Sports Desk: ઈંગ્લેન્ડ અને વેસ્ટઈન્ડિઝ વચ્ચે ત્રણ ટેસ્ટ મેચની શ્રેણીનો ત્રીજો અને અંતિમ મુકાબલો ગ્રેનાડમાં રમાય રહ્યો છે. 24 માર્ચના રોજ મેચના પ્રથમ દિવસે વેસ્ટઈન્ડિઝે ટોસ જીતી પ્રથમ બેટીંગનો નિર્ણય લીધો હતો. તેનો આ નિર્ણય યોગ્ય સાબિત થયો. વેસ્ટઈન્ડિઝના બોલર્સે ઈંગ્લેન્ડની ટીમને 204 રનમાં ઓલઆઊટ કરી દીધી. પ્રથમ ઈનિંગમાં ઈંગ્લીશ ટીમ માટે સાકિબ મહેમૂદે સર્વાધિક 49 અને જેક લીચે 41 રન બનાવ્યા.
ઈંગ્લેન્ડની ટીમ પ્રથમ ઈનિંગમાં એક સમયે 114 રન પર નવ વિકેટ ગુમાવી સંઘર્ષ કરી રહી હતી. એવું લાગી રહ્યું હતું કે ટીમ હવે થોડીવારમાં તંબુભેગી થઈ જશે. અહીંથી જેક લીચ અને સાકિબ મહમૂદે ઈનિંગને સંભાળી. બંનેએ દસમી વિકેટ માટે 90 રનની ભાગીદારી કરી ટીમને એક સન્માનજનક સ્કોર સુધી પહોંચાડવામાં મહત્વનું યોગદાન આપ્યું. દિવસની અંતિમ ઓવરમાં મહેમૂદ આઊટ થયો હતો. તે એક રનથી હાફ સેન્ચુરી ચૂકી ગયો. જર્મેન બ્લેકવુડની બોલ તેના બેટ સાથે ટકરાય વિકેટમાં અથડાઈ હતી. જ્યારે જેક લીચ 41 રન પર નોટઆઊટ રહ્યો હતો.
સાકિબ મહેમૂદ પ્રથમ ઈનિંગમાં ટીમનો ટોપ સ્કોરર રહ્યો. પ્રથમ નંબરે ઉતરેલા એલેક્સ લીસે 31 રન બનાવ્યા હતા. તો અગિયારમાં ક્રમે મેદાનમાં ઉતરેલા સાકિબે 49 રન ફટકાર્યા. ટેસ્ટ ઈતિહાસમાં 137 વર્ષ બાદ એવું થયું છે કે જ્યારે દસમાં અને અગિયારમાં નંબરના બેટર્સે અન્ય નવ બેટર્સ કરતા વધારે રન બનાવ્યા હોય. 1885માં ઈંગ્લેન્ડના ટોમ ગેરેટ અને એડવિન ઈવાન્સે ઓસ્ટ્રેલિયાની વિરુદ્ધ 10માં અને 11માં નંબર પર બેટીંગ કરતા ઈનિંગમાં અન્ય બેટર્સ કરતા વધારે રન બનાવ્યા હતા.
વેસ્ટઈન્ડિઝ વિરુદ્ધ ઈંગ્લેન્ડની ટીમના બેટર્સના પ્રદર્શનની જો વાત કરવામાં આવે તો છ બેટર્સ ડબલનો આંકડો પણ સ્પર્શી નહોતા શક્યા. સુકાની જો રુટ અને જ્હોની બેયરસ્ટો શૂન્ય પર પવેલિયન પરત ફર્યાં હતા. સાકિબ મહેમૂદ અને જેક લીચ બાદ એલેક્સ લીસે 31, ક્રિસ વોક્સ 25, ક્રેગ ઓવર્ટન 14, ડેનિયલ લોરેન્સ 8, બેન ફોક્સ સાત, જેક ક્રોલી સાત અને બેન સ્ટોક્સે બે રન બનાવ્યા હતા. વેસ્ટઈન્ડિઝ માટે જેડેન સીલ્સે સર્વાધિક ત્રણ વિકેટ લીધી હતી. કેમાર રોચ, કાયેલ મેયર્સ અને અલ્જારી જોસેફે બે-બે વિકેટ લીધી. જર્મેન બ્લેકવૂડને દિવસના અંતે એક સફળતા પ્રાપ્ત થઈ.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
