Team Chabuk-National Desk: દિલ્લી શ્રદ્ધા હત્યા કેસમાં આરોપી આફતાબે શ્રદ્ધાની હત્યા કરી હોવાની કબૂલાત કરી લીધી છે. તેણે પોલીસની સામે કહ્યું છે કે, હા મે જ શ્રદ્ધાની હત્યા કરી છે. બીજી તરફ એ પણ ખુલાસો થયો છે કે, શ્રદ્ધાની હત્યા બાદ આફતાબે બીજી ગર્લફ્રેન્ડ પણ બનાવી લીધી હતી. એટલું જ નહીં એક તરફ ફ્રિજમાં શ્રદ્ધાના શરીરના ટુકડાં પડ્યા હતા અને બીજી તરફ તે આફતાબ નવી ગર્લ્ડ ફ્રેન્ડને રૂમે લાવતો હતો.
પોલીસ તપાસમાં એ પણ ખુલાસો થયો છે કે, આફતાબ પોલીસને ચકમો આપવા માટે શ્રદ્ધાની હત્યા બાદ તેનું સોશિયલ મીડિયા એકાઉન્ટ અપડેટ કરતો રહેતો હતો. જેના કારણે પોલીસ પણ ગુમરાહ થઈ. પુરાવાનો નાશ કરવા માટે બજારમાંથી સલ્ફર હાઈપોક્લોરિક એસિડ લઈ આવ્યો જેનાથી રૂમ સાફ કર્યો. જેથી ફોરેંસિક તપાસ દરમિયાન DNA સેંપલ ન મળે. હત્યા બાદ તેણે પહેલાં મૃતદેહને બાથરૂમમાં છુપાવ્યો હતો અને ઈન્ટરનેટ પર મૃતદેહને છુપાવવા માટેની નુસખા શોધવા લાગ્યો હતો. બીજા દિવસે તેણે બજારમાંથી ઈલેક્ટ્રીક કરવત ખરીદી અને મૃતદેહના કેટલાય ટુકડાં કર્યા. બે દિવસ સુધી તે શ્રદ્ધાના મૃતદેહના ટુકડાં કરતો રહ્યો. શ્રદ્ધા અને પોતાના લોહીથી લથપથ કપડાંને કચરાની ગાડીમાં નાખ્યા.
તપાસમાં એ પણ ખુલાસો થયો છે કે, શ્રદ્ધાના શરીરના ટુકડાંને આફતાબે માત્ર ફ્રિજમાં જ નહીં પરંતુ કબાટ અને રસોડામાં પણ મુક્યા હતા. ત્યારબાદ ત્રણ મહિના સુધી મૃતદેહના ટુકડાંને ઠેકાણે પાડતો રહ્યો. સાથે જ શ્રદ્ધાનું સોશિયલ મીડિયા એકાઉન્ટ પણ અપડેટ કરતો રહ્યો. તે સોશિયલ મીડિયા પર શ્રદ્ધા બનીને તેના મિત્રો સાથે 9 જૂન સુધી ચેટિંગ કરતો રહ્યો. બે મહિના બાદ જ તે બેફિકર થઈ ગયો હતો અને ડેટિંગ એપ પરથી નવી મિત્ર પણ બનાવી લીધી હતી.
મહત્વનું છે કે, 18 મેએ આફતાબે શ્રદ્ધાની ગળુ દબાવીને હત્યા કરી હતી. ત્યારબાદ મૃતદેહને ઠેકાણે પાડવા અને પૂરાવાનો નાશ કરવા માટે તેણે ક્રૂરતાની તમામ હદ વટાવી દીધી હતી. હાલ આ મામલે પોલીસ તપાસ કરી રહી છે. પોલીસ શ્રદ્ધા અને આફતાબ બંનેના કોમન મિત્રોની પણ પૂછપરછ કરી રહી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
