Team Chabuk-Sports Desk: 2023ની મહિલા આઈપીએલની હરાજીનો પ્રારંભ થયો છે. આઈપીએલની હરાજીમાં સૌથી પહેલી બોલી ટીમ ઈન્ડિયાની સ્ટાર ક્રિકેટર સ્મૃતિ મંધાનાના નામે લાગી છે, જેની બેઝ પ્રાઈઝ 50 લાખ રૂપિયા હતી. ભારતની સ્ટાર ઓપનર સ્મૃતિ મંધાના પહેલા સેટની સૌથી મોંઘી ખેલાડી બની છે. તેને આરસીબીએ 3.40 કરોડ રૂપિયામાં ખરીદી છે. તમને જણાવી દઈએ કે સ્મૃતિની બેઝ પ્રાઈસ 50 લાખ રુપિયા હતી.
મહિલા પ્રીમિયર લીગની હરાજી માટે મહિલા હરાજી કરનારની પસંદગી કરી છે. મહિલા IPLની પ્રથમ સિઝનની હરાજીમાં મલાઈકા અડવાણી હરાજી કરાવી રહ્યા છે. મલાઈકા અડવાણી વિશે વાત કરીએ તો, તે મુંબઈની રહેવાસી છે અને આર્ટ કલેક્ટર કન્સલ્ટન્ટ સાથે ઈન્ડિયા કન્સલ્ટન્ટ્સ ફર્મમાં ભાગીદાર તરીકે પણ કામ કરે છે.
WPLની પ્રથમ સિઝનમાં 5 ટીમો હશે. આવી સ્થિતિમાં આ વખતે હરાજીમાં આ પાંચ ટીમોની ફ્રેન્ચાઈઝી પોતપોતાની ટીમ પસંદ કરશે. દરેક ફ્રેન્ચાઈઝી પોતાની ટીમમાં 15 થી 18 ખેલાડીઓ રાખી શકે છે. આવી સ્થિતિમાં ઓછામાં ઓછા 75 અને વધુમાં વધુ 90 ખેલાડીઓની હરાજી થશે. દરેક ફ્રેન્ચાઇઝી તેની ટીમમાં વધુમાં વધુ 6 વિદેશી ખેલાડીઓ ખરીદી શકે છે
Join us in welcoming the first Royal Challenger, Smriti Mandhana! 😍
— Royal Challengers Bangalore (@RCBTweets) February 13, 2023
Welcome to RCB 🔥#PlayBold #WeAreChallengers #WPL2023 #WPLAuction pic.twitter.com/7q9j1fb8xj
પર્સમાં હરાજી માટે 12-12 કરોડ રૂપિયા
દરેક ફ્રેન્ચાઇઝીના પર્સમાં હરાજી માટે 12-12 કરોડ રૂપિયા હશે. એટલે કે કુલ 60 કરોડ રૂપિયા દાવ પર લાગશે. દરેક ફ્રેન્ચાઈઝી માટે હરાજીમાં ઓછામાં ઓછા 9-9 કરોડ રૂપિયા ખર્ચવા ફરજિયાત છે. એવી અપેક્ષા રાખવામાં આવે છે કે હરાજી દરમિયાન તમામ ફ્રેન્ચાઇઝીઓના પર્સ સંપૂર્ણપણે ખાલી થઈ શકે છે. આ હરાજીમાં 24 ખેલાડીઓની મૂળ કિંમત 50 લાખ રૂપિયા છે. તે જ સમયે, 30 ખેલાડીઓની મૂળ કિંમત 40 લાખ રૂપિયા રાખવામાં આવી છે. આ પછી 30, 20 અને 10 લાખની બેઝ પ્રાઈઝ ધરાવતા ખેલાડીઓ પણ છે.
આ હરાજીમાં ઓલરાઉન્ડરોની સંખ્યા સૌથી વધુ
આ હરાજીમાં ઓલરાઉન્ડરોની સંખ્યા સૌથી વધુ છે. ભારતના 127 ઓલરાઉન્ડર અને 73 વિદેશથી આ હરાજીમાં ભાગ લેશે. આ પછી બોલરોનો નંબર આવે છે. ભારતના 51 બોલરો અને વિદેશના 42 બોલરોને હરાજી માટે શોર્ટલિસ્ટ કરવામાં આવ્યા છે. બેટ્સમેનોમાં ભારતના 42 ખેલાડીઓ અને વિદેશના 29 ખેલાડીઓ અને વિકેટકીપર્સમાં ભારતના 26 અને વિદેશના 19 ખેલાડીઓનું નામ હરાજીની યાદીમાં છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
