Team Chabuk-Gujarat Desk: સુરતના મહુવા તાલુકામાં આડાસંબંધમાં એક પ્રેમીએ પ્રેમિકાની સાસુની હત્યાનો પ્રયાસ કર્યો. જોકે આધેડ મહિલાએ પ્રતિકાર કરતા તેનો જીવ બચી ગયો. આોપીએ મહુવાના આંગલધરા ગામે એક મહિલાને મોઢા પર કોથળી પહેરાવી હત્યા કોશિશ કરી હતી.
મળતી માહિતી મુજબ મહુવા તાલુકાના આંગલધરા ગામે કલાબહેન બાબુભાઈ પટેલ ખેતી કરે છે. મહિલા ઘાસચારો કાપી રહી હતી. તે દરમિયાન કોઈક અજાણ્યા શખ્સે પાછળથી આવીને મહિલાના મોઢા પર કોથળી પહેરાવીને ગળું દબાવી મહિલાને ઘસડી ગયો હતો. જો કે, આગળ મહિલાએ હિંમત દાખવી દાતરડું મારી દીધુ હતું. જે બાદ ઘટનાસમયે મહિલાના ઘરની વહુ પણ ત્યાં આવી જતા બૂમાબૂમ કરતા હુમલાખોર ભાગી ગયો હતો.
બીજી તરફ આધેડ મહિલાને શરીરના ભાગે ઇજા થતાં તાત્કાલિક સારવાર અર્થે અનાવલ આરોગ્ય કેન્દ્રમાં ખસેડવામાં આવી હતી. મહુવા પોલીસને જાણ કરતા પોલીસ પણ ઘટનાસ્થળે પહોંચી હતી. પોલીસે અલગ અલગ ટીમો બનાવી તપાસ શરૂ કરી હતી. તપાસ કરતા હુમલાખોર મહુવા તાલુકાના કોષ ગામનો ઉમેશ પટેલ હોવાનું બહાર આવ્યું હતું.
હુમલાખોરની ઓળખ થતા ગણતરીના કલાકોમાં ઉમેશ પટેલની અટકાયત કરી લેવાઈ હતી. ઉમેશ પટેલે સ્વીકાર્યું હતં કે, આધેડ મહિલાના પરિવારની વહુ સાથે આડાસંબંધ હતા અને જેમાં આધેડ મહિલા કનડગત કરતા તેની હત્યા કરવાનું ષડયંત્ર ઘડ્યું હતું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
