Team Chabuk-Gujarat Desk: અરવલ્લીના મોડાસામાંથી ચોરીનો એક ચોંકાવનારો કિસ્સો સામે આવ્યો છે. અહીં ચોર શૉ રૂમની બહાર પાર્ક કરેલા એક ટ્રેક્ટરની ચોરી કરે છે. વાહનની ચોરી રોજ ક્યાંકને ક્યાંક થતી હોય છે. પરંતુ આ કિસ્સો એટલા માટે ચોંકાવનારો છે કે, ચોરી કરવા આવેલો ચોર પોતે જ ટ્રેક્ટરના પૈડા નીચે કચડાઈ જાય છે. છતા તે ટ્રેક્ટર લઈને જ ત્યાંથી જાય છે.
આ ચોરીની ઘટનાનો એક વીડિયો પણ વાયરલ થયો છે. વીડિયોમાં જોઈ શકાય છે કે, ચોર ટ્રેક્ટરની ચોરી કરવાનો પ્રયાસ કરી રહ્યો છે. આ દરમિયાન અચાનક ટ્રેક્ટર સ્ટાર્ટ થઈ જાય છે. ટ્રેક્ટર ગિયરમાં હોવાથી આગળ ચાલવા લાગે છે. આ દરમિયાન જ ચોરનો એક પગ ટ્રેક્ટરના વ્હીલમાં ફસાય જાય છે. ચોરને નીકળવાનો સમય નથી મળતો અને ટ્રેક્ટર ચોર પર ફરી વળે છે. જો કે, ત્યારબાદ આ જાડી ચામડીનો ચોર ઉભો થાય છે. લથડિયા ખાતો ટ્રેક્ટર પાસે પહોંચે છે અને ટ્રેક્ટર લઈને ફરાર થઈ જાય છે.
સોશિયલ મીડિયામાં વાયરલ થઈ રહેલો આ વીડિયો મોડાસાના હજીરા વિસ્તારનો હોવાનો ખુલાસો થયો છે. હાલ આ અંગે પોલીસે ફરિયાદ નોંધી સીસીટીવીના આધારે વધુ તપાસ શરૂ કરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
