Team Chabuk-Gujarat Desk: રાજ્યમાં વધી રહેલા હાર્ટ એટેકના બનાવોથી સૌ કોઈ ચિંતિત છે ત્યારે હવે નાની ઉંમરના લોકોને પણ હાર્ટ એટેક આવી રહ્યા છે. યુવાનો બાદ બાળકોને પણ હાર્ટ એટેક આવી રહ્યા છે. જેના કારણે મેડિકલ નિષ્ણાતો પણ ચિંતામાં મૂકાયા છે. ભરૂચમાં 10 વર્ષની બાળકીનું હાર્ટ એટેકના કારણે મોત થયું છે. ધોરણ 4માં અભ્યાસ કરતી બાળકીને હાર્ટ એટેક આવતા તે મોતને ભેટી છે. 10 વર્ષીય દીકરીના મોતથી પરિવારમાં શોકનું મોજું ફરી વળ્યું છે.
ભરૂચના વાલિયાની નિલકમલ સોસાટીમાં રહેતી 10 વર્ષની બાળકી ધોરણ 4માં અભ્યાસ કરી રહી હતી. બાળકીને અચાનક હાર્ટ એટેક આવ્યો હતો. એવામાં પરિવાર તેને લઈને હોસ્પિટલ પહોંચ્યો હતો. જોકે તબીબોએ તેને મૃત જાહેર કરી હતી. પ્રાથમિક અનુમાન મુજબ, ગેસ્ટ્રોની અસર બાદ બાળકીને હાર્ટ એટેક આવ્યો હોઈ શકે છે.
એસટી બસના ડ્રાઈવરનો આવ્યો હાર્ટ એટેક
બીજી તરફ હવે એસ.ટી બસ ડ્રાઈવરો પણ હાર્ટ એટેકનો શિકાર થઈ રહ્યા છે. હિંમતનગર-વિજાપુર હાઇવે પર એસટી ડ્રાઈવરને ચાલુ બસે હાર્ટ એટેક આવ્યો હતો. પાટણથી લુણાવાડા જતી બસના ડ્રાઈવરને હાર્ટ એટેક આવ્યો મુસાફરોના જીવ તાળવે ચોંટ્યા હતા. જોકે ડ્રાઈવરે સમય સૂચકતા વાપરી બસને ખાડામાં ઉતારી લેતા પેસેન્જરો સુરક્ષિત બચી ગયા હતા. બાદમાં 108 મારફતે ડ્રાઈવરને હોસ્પિટલમાં ખસેડવામાં આવ્યો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
