Team Chabuk-Gujarat Desk: અમરેલીમાં ભાઈબીજના તહેવારે ખૂની ખેલ ખેલાયો. ધારીમાં પૂર્વ મંત્રી અને ભાજપ નેતા મધુબેન જોશીની હત્યા થતાં હડકંપ મચી ગયો છે. પડોશીએ ફટાકડા ફોડવા જેવી સામાન્ય બોલાચાલીમાં મધુબેન જોશીની હત્યા કરી દીધી હોવાનો દાવો છે. આ ઉપરાંત મધુ બેનના દીકરા પર પણ જીવલેણ હુમલો થયો છે. આ કેસમાં પોલીસે ગુનો નોંધી ત્રણે આરોપીને ઝડપી લીધા છે.
મળતી માહિતી મુજબ, ધારીના શિવનગર સોસાયટીમાં રહેતા અમરેલી જિલ્લા ભાજપના પૂર્વ મંત્રી અને તાલુકા પંચાયતના પૂર્વ સદસ્યા મધુબેન જોશીની પુત્રને ફટાકડા ફોડવા બાબતે સામાન્ય બોલાચાલી થયેલી હતી. જે બાદ ઝઘડાએ ઉગ્ર સ્વરુપ ધારણ કર્યું હતુ અને વાત મારામારી સુધી પહોંચી હતી.
આ બાબતની અદાવત રાખી મધુબેનનો પુત્ર રવિ મોટરસાયકલ લઈને જઈ રહ્યો હતો ત્યારે એક ફોરવ્હીલ ગાડી તેમની માથે ચડાવી દેવાનો પ્રયાસ કરવામાં આવ્યો હતો. જોકે, રવિ એમાંથી બચી નીકળ્યો હતો. આ ઘટના સંદર્ભે મધુબેનના પુત્રની માથે ગાડી ચડાવી દેવાનો પ્રયાસ કરનારા તેમના જ પાડોશીને ત્યાં રવિ અને મધુબેન ઠપકો દેવા ગયા હતા, જ્યારે ત્રણેય યુવાનોએ તલવાર વડે મધુબેન અને તેમના પુત્ર રવિ પર જીવલેણ હુમલો કર્યો હતો. જેમા મધુબેનનું મોત થયું હતું. હાલ આ સમગ્ર મુદ્દે પોલીસે વધુ તપાસ શરુ કરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
