Team Chabuk-Gujarat Desk: સુરતમાં બિલ્ડિંગ પરથી પડી જતાં વધુ એક બાળકનું મોત થયું. સુરતમાં થોડા સમય પહેલાં પણ એક બાળકનું મોત થયું હતું. ફરી એક વખત સુરતમાં જ આ પ્રકારની ઘટનાથી બાળકનું મોત થયું છે. સુરતના સચિન વિસ્તારમાં પહેલા માળેથી 6 વર્ષીનું બાળક પટકાયું હતું. દુર્ઘટના બાદ બાળકને તાત્કાલિક સિવિલ હોસ્પિટલ લઈ જવાયો હતો જ્યાં તબીબોએ બાળકને મૃત જાહેર કર્યો હતો.
સુરતના સચિન વિસ્તારમાં આવેલી શાન કંપનીની બિલ્ડિંગના પહેલા માળે 6 વર્ષીય સાવન સાગર કટારિયા રમતો હતો. રમતી વખતે તે અચાનક જ નીચે પટકાયો હતો. નીચે પટકાતા સાવન સાગર કટારિયાને માથાના ભાગે ગંભીર ઈજા પહોંચી હતી. દુર્ઘટનાના કારણે સાવન કટારિયાને પરિવારજનો અને આસપાસના લોકો એકઠા થઇ ગયા હતા.
ત્યારબાદ સાવન સાગર કટારિયાને તાત્કાલિક સિવિલ હોસ્પિટલ ખસેડવામાં આવ્યો હતો. જ્યાં ટૂંકી સારવાર બાદ બાળકનું મોત નિપજ્યું હતું. ઘટનાને પગલે પરિવાર પર અચાનક આફતનું વાદળ તૂટી પડ્યું હતું. ઘટનાની જાણ પોલીસને કરાઈ હતી. ઘટનાને પગલે પોલીસે આ અંગે અકસ્માત મોતનો ગુનો નોંધી વધુ તપાસ હાથ ધરી છે.
મહત્વનું છે કે, સુરતમાં આવી જ એક ઘટના સામે આવી હતી. સુરતના મહાદેવ નગર સોસાયટીમાં રહેતા મૂળ મધ્યપ્રદેશ જબલપુરના વતની શંકર લોધીનો દોઢ વર્ષનો પુત્ર મયંક લોધી પહેલાં માળેથી પટકાયો હતો અને મોત થયું હતું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
