Team Chanuk-Entertainment Desk: ભોજપુરી અભિનેત્રી આકાંક્ષા દુબે સારનાથ પોલીસ સ્ટેશન વિસ્તારની સોમેન્દ્ર હોટલમાં લટકતી હાલતમાં મળી આવી હતી. ઘટનાની જાણ થતાં જ પોલીસ ઘટનાસ્થળે પહોંચી હતી અને મામલાની તપાસ શરૂ કરી હતી. આકાંક્ષાને લઈને હવે ધીમે ધીમે ખુલાસા થઈ રહ્યાં છે. ભોજપુરી અભિનેત્રી આકાંક્ષા દુબેએ વારાણસીની એક હોટલમાં ફાંસી લગાવીને આત્મહત્યા કરી લીધી છે. શૂટિંગ પછી આકાંક્ષા દુબે હોટેલમાં ગઈ હતી. ત્યાર બાદ તે બહાર આવી જ નહોતી. આત્મહત્યા પહેલા આકાંક્ષા પણ ઈન્સ્ટાગ્રામ પર લાઈવ આવી હતી. ટૂંકા વાયરલ વીડિયોમાં તે ખુબ રડતી જોવા મળી રહી છે.
રવિવારે ભોજપુરી અભિનેત્રી અને મોડલ આકાંક્ષા દુબેનો મૃતદેહ સારનાથ પોલીસ સ્ટેશન વિસ્તારની સોમેન્દ્ર હોટલમાં લટકતો મળી આવ્યો હતો. ઘટનાની જાણ થતાં જ પોલીસ ઘટનાસ્થળે પહોંચી હતી અને મામલાની તપાસ શરૂ કરી હતી. આકાંક્ષા 25 વર્ષની હતી અને તેણે ખૂબ જ ઓછા સમયમાં ઈન્ડસ્ટ્રીમાં પોતાની ઓળખ બનાવી હતી.
આકાંક્ષા દુબે ભદોહીની રહેવાસી હતી અને તેની ગણતરી ઉત્તર પ્રદેશના જાણીતા કલાકારોમાં થતી હતી. આકાંક્ષાએ ભોજપુરી સિનેમા, સંગીત અને ફિલ્મોમાં પણ કામ કર્યું હતું. ઉત્તર પ્રદેશ ઉપરાંત દેશભરમાં તેની સારી ફેન ફોલોઈંગ છે. આકાંક્ષા પણ ઈન્સ્ટાગ્રામ પર રીલ્સ બનાવતી હતી.
ટિક-ટોકથી કરી કારકિર્દીની શરૂઆત
કહેવામાં આવી રહ્યું છે કે આકાંક્ષા દુબેએ પોતાના કરિયરની શરૂઆત સોશિયલ પ્લેટફોર્મ ટિક-ટોકથી કરી હતી. લોકોને ટિક-ટોક પર આકાંક્ષાની ટેલેન્ટ પસંદ આવી અને તેની ફેન ફોલોઈંગ જબરદસ્ત બની ગઈ. બાદમાં આકાંક્ષાએ ભોજપુરી ફિલ્મ ઉદ્યોગમાં પ્રવેશ કર્યો અને એકથી વધુ ભોજપુરી ગીતો અને ફિલ્મોમાં કામ કર્યું. જે લોકોને ખૂબ પસંદ આવી હતી. આકાંક્ષાએ વીર કે વીર અને કસમ પદના વાલેની 2 ફિલ્મોમાં કામ કર્યું હતું જે લોકોને ખૂબ પસંદ આવી હતી.
આ પહેલા શનિવારે રાત્રે અભિનેત્રીએ તેના સોશિયલ મીડિયા ઈન્સ્ટાગ્રામ એકાઉન્ટ પર એક વીડિયો પણ શેર કર્યો હતો. ઉલ્લેખનીય છે કે, અભિનેત્રી આકાંક્ષા દુબેએ ‘વીરોં કે વીર’ અને ‘કસમ બદના વાલે કી 2’ જેવી હિટ ફિલ્મોમાં પોતાના અભિનય માટે પ્રશંસા મેળવી હતી.
મુંબઈથી ફિલ્મી કરિયરની શરૂઆત કરી
આકાંક્ષા દુબેએ પોતાની ફિલ્મી કરિયરની શરૂઆત માયાનગરી મુંબઈથી કરી હતી. જોકે આકાંક્ષાના માતા-પિતા ઇચ્છતા હતા કે તે IAS બને, પરંતુ તેને નાનપણથી જ ડાન્સ અને એક્ટિંગમાં રસ હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
