ભાવનગરઃ નેવીની ટ્રેંનિગ પૂર્ણ કરી વતન આવેલા યુવાનનું ગામલોકોએ કર્યું ભવ્ય સ્વાગત, માહોલ જોઈને તમે પણ બોલશો જય હિન્દ

Team Chabuk-Gujarat Desk: ભારતીય લશ્કરમાં કાર્ય કરવું તે સન્માનની વાત છે. ભારતીય લશ્કરમાં ગુજરાતીઓ ખૂબ ઓછા છે મેણા મારવામાં આવે છે. તેવાં સમયે ભાવનગરના તળાજા તાલુકાના માખણીયા ગામનો યુવાન ઇન્ડિયન નેવીની તાલીમપૂર્ણ કરીને પરત પોતાના માદરે વતન આવેલાં સચિન મકવાણાનું ગ્રામજનો દ્વારા અદકેરું સ્વાગત કરવામાં આવ્યું હતું.

ગામલોકોએ સચિનનું તળાજા રોયલ ચોકડીથી ડી.જે.ના તાલ સાથે ભારત માતા કી જયના જયનાદ અને બાઈક રેલી સાથે માખણીયા ગામના હનુમાન દાદાના દર્શન કરાવ્યા હતા. ત્યારબાદ માખણીયા ગામની પ્રાથમિક શાળામાં શિક્ષકો દ્વારા હાર્દિક સ્વાગત કરવામાં આવ્યું હતું. ત્યારબાદ સચિનને તેમના માતા પિતાને તિલક કરી ઘર પરિવાર દ્વારા સામૈયા કરીને વાજતે- ગાજતે માખણીયા ગામના ચોકમાં શોભાયાત્રા સાથે ભવ્ય સ્વાગત કરવામાં આવ્યું હતુ

માખણીયા ગામમાં લોકો ખુશીના માહોલ સાથે ઝૂમી ઉઠ્યાં હતાં. ભારત માતાના પનોતા પુત્ર એવાં મકવાણા સચિનભાઈના સ્વાગત તળાજાથી માખણીયા આવતાં રસ્તામાં આવતાં તમામ મદિરોએ શ્રીફળ વધેર્યું હતું. ગામમાં પ્રવેશતા પ્રાથમિક શાળા આવતા પોતાનો અભ્યાસ ત્યાં કરેલ જ્યારે સમગ્ર શિક્ષકગણ તેમજ ગામના આગેવાનોએ ત્યાં તેઓનું ફૂલહારથી સ્વાગત કર્યું હતું. ઘેર પહોંચતા પુત્રને માતા દ્વારા પોખવામાં આવ્યા હતા અને ત્યાર બાદ બહેનો દ્વારા આરતી ઉતારવામાં આવી હતી

ગામમાં પ્રથમ યુવાન નેવીની ટ્રેનીંગ પૂર્ણ કરી આવતાં ગામના યુવાનોને પણ પ્રેરણા મળે તે માટે સચિનના પિતા છગનભાઈ દ્વારા ડી.જે. સાથે સ્વાગત કર્યું હતું. ઘેર પહોંચતા લોકોને પેંડા ખવડાવી મોં મીઠું કરાવ્યું હતું. નાના એવાં ગામની આ સામાન્ય ઘટના છે. પરંતુ માં ભારતીની રક્ષા કાજે જ્યારે ગામનો તરવરિયો યુવાન જવાનો હોય ત્યારે તેના વતનમાં આવવાના હરખના તેડાં થવાં જ જોઇએ.. તેનાથી ગામના યુવાનોને તો પ્રેરણા મળશે જ પરંતુ રાજ્યના યુવાનો પણ મા ભારતીની સેવા માટે આગળ આવશે.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત