Team Chabuk-Gujarat dEsk: અમદાવાદમાં સગીરો કોઈને કોઈ રીતે શોખ પૂર્ણ કરવા માટે આડા રવાડે ચડી રહ્યા છે. થોડા સમય પહેલા એક સીગરાને મોબાઈલમાં ગેમ રમવાનો ચસ્કો એવો તે લાગી ગયો કે, મોબાઈલ ન આપે તો ઘર છોડી ભાગી જવાની ધમકી આપી માતા પિતા પર માનસિક ત્રાસ ગુજારતી હતી. અભયમે આ કેસનો ઉકેલ લાવ્યો. હવે એક નવો કેસ સામે આવ્યો. જેમાં પિતા અને દાદીની સાથે રહેતી એક સગીરાએ પોતાના શોખ પૂરા કરવા માટે એક કે બે નહીં પરંતુ 6 બોયફ્રેન્ડ રાખ્યા હતા. પિતાને આ વાતની જાણ થતાં તેમના પગ તળેથી જમીન ખસી ગઈ હતી અને તેમણે પુત્રીને ઘરમાં ન રાખવાનો નિર્ણય લીધો હતો.
આ સગીરાની વય માત્ર 15 વર્ષની છે. તે જ્યારે બે મહિનાની હતી ત્યારે તેની માતા ક્યાંક ભાગી ગઈ હતી. તેના પિતા અને દાદીએ તેનો ઉછેર કર્યો હતો. પિતા દીકરીને નાની અમથી અડચણ પણ ન આવે તે રીતે રાખતા હતા. ઉપરથી પુત્રીને ઉની આંચ ન આવે તે માટે તેમણે બીજા લગ્ન પણ નહોતા કર્યા. નીતનવા શોખના રવાડે ચડી ગયેલી આ છોકરી અવનવી વસ્તુઓ માગવા લાગી હતી.
તેના પિતા તેના પર કાબૂ રાખવા માગતા હતા પણ સગીરા હદ કરતા આગળ વધી ગઈ હતી. તેણે તેની દાદીને જણાવ્યું હતું કે, તે સેનેટરી પેડ વેચીને પૈસા કમાઈ પોતાના શોખ પૂર્ણ કરશે. આ માટે મોડી રાત સુધી બહાર રહેવાનું હોય દાદીએ તેને ના પાડી હતી. મોડી રાત સુધી ઘરની બહાર રહેતી સગીરાને દાદી વઢ્યા તો સગીરા તેમની સામું બોલવા લાગી હતી. એટલું જ નહીં એક બે વખત દાદી સાથે મારઝૂડના બનાવો પણ બન્યા હતા.
સગીરાના પ્રેમ સંબંધની જાણ તેના પિતાને થઈ ગઈ હતી. જેથી તેમણે અભયમની ટીમનો સહારો લીધો હતો. પૂછપરછ કરવામાં આવતા ઘટસ્ફોટ થયો હતો કે સગીરાને એક કે બે નહીં પણ છ બોયફ્રેન્ડ છે. અભયમની ટીમે સગીરાનું કાઉન્સલેસિંગ કર્યું હતું અને તેને સમજાવી હતી.
જોકે સગીરા માટે એક નવી મુસીબત ઉભી થઈ હતી. તેના પિતાને જ્યારે તેના સંબંધોની જાણ થઈ તો તેઓ તેને ઘરમાં રાખવા માટે તૈયાર નહોતા. આથી સગીરાને તેના મોટાબાપાને ત્યાં મોકલી દેવામાં આવી હતી. ટીનએજર્સના શોખ માતા પિતા સામે કેવા વ્યાધીરૂપ સાબિત થાય છે તેનું આ મોટું ઉદાહરણ સામે આવ્યું છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
