Team Chabuk-Gujarat Desk: ભારતમાં પેટ્રોલ અને ડિઝલના ભાવમાં રોજે રોજ ઉતાર-ચડાવ આવતા રહે છે. સાથે સાથે ગેસના ભાવમાં પણ વધારો ઝીંકાતા, હવે દરેક વસ્તુનો ભાવ આકાશે પહોંચ્યો છે અને અચંબિત કરી નાખે છે. કોરોના પછી તો પેટ્રોલ અને ડિઝલના ભાવમાં રોજ નાનો મોટો વધારો થયો છે. આ વચ્ચે ગુજરાતમાં નવરાત્રિના પહેલા દિવસે પેટ્રોલ મોંઘુ થયું હતું.
અમદાવાદની નજીક જ આવેલા એવા સુરેન્દ્રનગરના રહેવાસીઓ ઉપર 35.40 લાખનો આર્થિક બોજ આવી પડ્યો છે. આ બોજનું નામ છે પેટ્રોલ અને ડિઝલ. સુરેન્દ્રનગર અને વઢવાણ શહેરને અડકીને આશરે 17 જેટલા પેટ્રોલ પમ્પો આવેલા છે. જ્યાંથી રોજ હજ્જારો લોકો પેટ્રોલ ભરાવે છે. રોજેય પાંત્રીસ હજાર જેટલું પેટ્રોલ સામાન્ય લોકો દ્વારા ખરીદવામાં આવે છે. એવામાં સરકારે એકાએક પેટ્રોલના ભાવ વધારી દેતા સામાન્ય માણસની કમર પર વધારાનો બોજ ઝીંકાયો છે.
અહીં પેટ્રોલના એક લિટરના 100.78 પૈસા ભાવ હતા, હવે જશો તો નવા ભાવ છે 101.16 પૈસા. અર્થાત્ સુરેન્દ્રનગરમાં પેટ્રોલ ભરાવો છો તો એ અમદાવાદ કરતા 16 પૈસા મોંઘું છે. પેટ્રોલ-ડિઝલ અને સીએનજી આ બધાનો જૂનો અને નવો ભાવ જાણી જ લો.
| વસ્તુ | જૂનો ભાવ | નવો ભાવ |
| પેટ્રોલ | 100.78 | 101.16 (સુરેન્દ્રનગરમાં) |
| ડિઝલ | 99.55 | 99.93 |
| એલપીજી ગેસ | એક બાટલાએ રૂ. 908.50 | 923.50 (15નો વધારો) |
| સીએનજી-પીએનજી | – | 4નો વધારો |
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
