Team Chabuk-Gujarat Desk: અમદાવાદમાં ફરી એક વખત રક્તરંજીત ખેલ ખેલાયો છે. ઓફિસમાં કામ કરતા પોતાના સાથી કર્મચારી હર્ષિલ સાથે યુવતી મૌલી ડીજે પાર્ટીમાં જવાની હતી, જેની જાણ યુવતીના પૂર્વે પ્રેમીને લાગી જતા, તેણે છરીના સાત જેટલા ઘા યુવતીને ઝીંકી દીધા હતા. એટલું જ નહીં તેની સાથે પાર્ટીમાં જઈ રહેલા મિત્રને પણ છરીના ત્રણથી ચાર ઘા ઝીંકી દીધા હતા.
ઘટનાની પ્રાપ્ત વિગતો મુજબ અમદાવાદ શહેરના એલિસબ્રિજની દેવભુવન સોસાયટીમાં રહેતી 24 વર્ષીય મૌલી વૈષ્ણવને આઠ વર્ષ પહેલાં તેની સાથે જ શાળામાં અભ્યાસ કરતા અંકિત પ્રજાપતિની સાથે મિત્રતા થઈ હતી. બેઉં વચ્ચેની મિત્રતા પ્રેમમાં પરિણમી હતી. અંકિત વાતે વાતે શંકા કરતો હોવાથી યુવતીએ તેની સાથે બોલવાનું બંધ કરી દીધું હતું.
શનિવારના રોજ જ્યારે મૌલી તેના મિત્રો હર્ષિલ અને કેતનની સાથે ડીજે પાર્ટીમાં જઈ રહી હતી ત્યારે ક્યાંકથી અંકિત આવી ગયો હતો. તેણે રિલાયન્સ શોપિંગ મોલની પાસે આવી હર્ષિલનું એક્ટિવા અટકાવ્યું હતું અને મૌલીની સાથે જેમ તેમ બોલવા લાગ્યો હતો.
તેણે મૌલીને અન્ય છોકરાઓ સાથે જોતા સવાલો પૂછ્યા હતા કે, ‘આ છોકરાં કોણ છે? તારા બોયફ્રેન્ડ છે? તે આવાં છોકરાં માટે મને છોડી દીધો?’ કહી અંકિતે મૌલીને ગાળો ભાંડી હતી અને પછી ઉપરા છાપરી તેના પેટમાં છરીના સાત જેટલા ઘા ઝીંકી દીધા હતા. તેનો મિત્ર હર્ષિલ વચ્ચે પડ્યો તો તેને પણ છરીના ઘા ઝીંક્યા હતા. બંને ઈજાગ્રસ્તોને હોસ્પિટલ લઈ જવામાં આવ્યા હતા, જ્યાં મૌલીએ અંકિતની વિરૂદ્ધ નારણપુરા પોલીસ સ્ટેશનમાં ફરિયાદ નોંધાવી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
