Team Chabuk-Gujarat Desk: ગુજરાતમાં ગઠીયાઓનાં છમકલાના સમાચારો અવાર નવાર આવ્યા કરે છે. અમદાવાદના માનવ મહેરાણથી ઉમટી પડતા પ્રહલાદ નગર વિસ્તારમાં પણ એક યુવતીને ગઠિયાના તેજસ્વી મગજનો પરચો મળ્યો હતો. ગઠિયાએ યુવતીને એવી રીતે બાટલીમાં ઉતારી દીધી કે જમણા હાથે ખેલ માંડ્યો અને ડાબા હાથને ખબર સુદ્ધાં પડી નહીં.
મહિલા કારમાં સવાર થઈ રહી હતી ત્યારે તે આવ્યો અને કહ્યું કે, તમારા પૈસા બહાર પડી ગયા છે. મહિલા કારનો દરવાજો ખોલી, નીચેથી પૈસા લઈ પાછું ફરે એટલામાં તો તાકમાં બેઠેલો ગઠિયો મોબાઈલ ફોન, પૈસા અને મહત્ત્વના ડોક્યુમેન્ટ ભરેલું પર્સ ચોરી સનનન થઈ ગયો. અંતે મહિલાએ આનંદ નગર પોલીસ સ્ટેશનમાં ફરિયાદ નોંધવી છે.
આ સમગ્ર ઘટના 28 વર્ષીય યુવતી તન્વી સાથે બની છે. તન્વી પ્રહલાદનગર ગાર્ડન કોર્પોરેટ રોડ સૂયોગ બંગ્લોઝમાં રહે છે. 20 તારીખના રોજ તેણી મેડિકલમાંથી દવા લઈ પરત ફરી રહી હતી. કારમાં બેસી અને એક વ્યક્તિએ આવીને કહ્યું, ‘મેડમ તમારા પૈસા પડી ગયા છે.’ તન્વીએ જ્યારે કારની બહાર આવી જોયું તો દસ દસની ત્રણ નોટ હતી. યુવતી એ ત્રણે નોટ ઉઠાવી અને અંદર બેસવા ગઈ તો હાથફેરો થઈ ગયો હતો.
મહિલાએ કારમાં રાખેલ પર્સ ગાયબ હતો. આ પર્સમાં મોબાઈલ ફોન, પૈસા, ડ્રાઈવિંગ લાઈસન્સ, આધારકાર્ડ, પાનકાર્ડ, ઈલેક્શન કાર્ડ તેમજ ડેબિટ-ક્રેડિટ કાર્ડ સહિત મહત્વના અનેક ડોક્યુમેન્ટ હતા. મહિલાએ આખરે આ અંગેની ફરિયાદ પોલીસ સ્ટેશનમાં નોંધાવી હતી. પોલીસે અજાણ્યા ઈસમને પકડવા ચક્રો ગતિમાન કર્યાં છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
