Team Chabuk-Gujarat Desk: આવતીકાલે 15મી માર્ચ છે. યાદ છે? તારીખ 5થી 15 માર્ચ સુધી રાજ્ય પોલીસને સીટ બેલ્ટ અને હેલ્મેટ વિહોણા ચાલકો પર દંડાત્મક કાર્યવાહી કરવાના નિર્દેશ આપવામાં આવ્યા હતા. આ ડ્રાઈવના પગલે ઉચ્ચપોલીસ દ્વારા અધિકારીઓએ દરેક પોલીસ સ્ટેશન દીઠ લક્ષ્યાંક સોંપવામાં આવ્યો હતો. ટ્રાફિક પોલીસ દ્વારા છે દિવસમાં 1207 હેલ્મેટ વગરના લોકોને પકડી પાડી તેમની પાસેથી કુલ 6.13 લાખના દંડની રકમ વસૂલ કરી છે. જ્યારે સીટ બેલ્ટ પહેર્યા વગરના 2636 ચાલકોને પકડી પાડી રૂપિયા 13.19 લાખની દંડની રકમ વસૂલવામાં આવી છે.
હવે આ ડ્રાઈવના અંતિમ બે દિવસ બાકી છે. આજનો દિવસ અને આવતીકાલનો દિવસ. જોકે જેટલી રકમની ઉઘરાણી કરવામાં આવી છે તે ચોંકાવનારી છે. એવામાં છેલ્લા બે દિવસથી વીઆઈપીઓની સુરક્ષા અને વ્યવસ્થામાં લાગેલી પોલીસ આપવામાં આવેલો નિર્ધારિત લક્ષ્યાંક પૂર્ણ નહોતી કરી શકી. હવે આગામી સમયમાં આ નિર્ધારિત લક્ષ્યાંકને પાર પાડવા માટે જહેમત ઉઠાવશે. ડ્રાઈવના બે દિવસ જ બાકી હોવાથી હવે પકડાનારાને દંડ ફટકારી ટાર્ગેટ પૂર્ણ કરવામાં આવશે.
સુપ્રીમ કોર્ટે કમિટિ ઓન રોડ સેફ્ટી અંગેની કામગીરીની સમીક્ષા બેઠક તેમજ રાજ્ય ખાતે સમયાંતરે યોજાતી રોડ સેફ્ટી કાઉન્સીલની બેઠકમાં રાજ્ય ખાતે બનતા રોડ અકસ્માતના બનાવોમાં હેલ્મેટ નહીં પહેરવાના કારણે અને સીટ બેલ્ટ નહીં બાંધવાના કારણે અકસ્માતના આંકડમાં મોટાપાયે વધારો થાય છે તેવું નોંધ્યું હતું. જેથી રાજ્યમાં 5મી માર્ચથી 15મી માર્ચ સુધી હેલ્મેટ ન પહેર્યાં હોય કે સીટ બેલ્ટ ન પહેર્યાં હોય તેમના પર વધુમાં વધુ કેસ કરવાના રહેશે અને ડ્રાઈવ કરવાની રહેશે તેવું ફરમાન કરવામાં આવ્યું હતું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
