Team Chabuk-Gujarat Desk: અમદાવાદમાં પતિ અને પત્ની વચ્ચે કલેશ રહેતો હોય પત્ની પિયર ચાલી ગઈ હતી. પત્નીની ઈચ્છા છૂટાછેડા આપવાની હતી પણ પતિ કોઈ વાતે માનવા તૈયાર નહોતો. જેથી પત્નીએ ફિનાઈલ ગટગટાવ્યું હતું. ફિનાઈલ ગટગટાવ્યાનો વીડિયો પણ તેણે પોતના વોટ્સએપ સ્ટેટસમાં રાખ્યો હતો. જેની જાણકારી તેની મોટી બહેનને થઈ જતા તેને તાત્કાલિક હોસ્પિટલ ખસેડવામાં આવી હતી.
22 વર્ષીય મોનિકાના સવા વર્ષ પહેલા ગૌરાંગ સાથે લગ્ન થયા હતા. બેઉં લગ્ન બાદ થલતેજની ભાગવત સોસાયટીમાં રહેતા હતા. નાની નાની વાતે ગૌરાંગ મોનિકાને ટોર્ચર કરતો હતો. મોનિકાને ગૌરાંગ બિલકુલ પસંદ નહોતો. એકાદ મહિના પહેલા મોનિકાને પેટમાં દુખતા તે પોતાના માવતરને ત્યાં ચાલી ગઈ હતી.
પતિ પત્ની વચ્ચે મનમેળ ન રહેતો હોવાના કારણે છૂટાછેડા લેવાનું નક્કી કર્યું હતું. જે માટે પહેલા તો પતિ ગૌરાંગે હા પાડી હતી પણ પછી ના પાડી દેતા અને એ વાતનું પત્ની મોનિકાને માઠું લાગતા તેણે ફિનાઈલના બે ઘૂંટનું પાન કરી લીધું હતું.
મોનિકાએ ફિનાઈલ ગટગટાવ્યાનો વીડિયો પોતાના વોટ્સએપ સ્ટેટસમાં પણ રાખ્યો હતો. જ્યાંથી તેની મોટી બહેન તૃપ્તિ પટેલે આ વીડિયો જોઈ લીધો હતો અને તાત્કાલિક હોસ્પિટલે તેને સારવાર માટે ખસેડવામાં આવી હતી. હાલ મોનિકાની સારવાર ચાલી રહી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
