Team Chabuk-Gujarat Desk: ઘણી વખત આપે એવું સાંભળ્યું હશે કે કોઈ આકસ્મિક કારણોસર જાન લીલા તોરણે પાછી ફરે. આણંદના પેટલાદમાં પણ આવું થયું. એક યુવાન NRI યુવતીને પરણું પરણું થતો જ હતો ત્યાં ઓચિંતી કોઈ કન્યા બોલી ગઈ કે આ તો મારો પતિ છે. યુવતી બોલી એ સાથે લગ્નમંડપમાં નિરવ શાંતિ પ્રસરી ગઈ. યુવાનના મોંઢાનું નૂર ઉડી ગયું.
યુવાને જેવી યુવતી અને તેના પરિવારજનોને જોયા એ ભેગા ઘટનાની ગંભીરતાને જોતા ‘ભાગે ઈ ભાઈડા’ની નીતિ અપનાવી હતી. અંતે માંડવાના સ્થળે પોલીસને પણ બોલાવવામાં આવી હતી અને પોલીસે સમગ્ર મામલે પૂછપરછ કરી મામલો થાળે પાડ્યો હતો. આણંદમાં રચાયેલી આ ફિલ્મી પટકથાએ રમૂજની હેલી વરસાવી દીધી હતી.
વાત કંઈક એવી છે કે વર્ષ 2019ની સાલમાં આણંદના પાલિકાનગર ખાતે રહેતા પાર્થભાઈ પટેલના વેવિશાળ અમિષા ચૌહાણ સાથે થયા હતા. પોસ્ટરમાં જે તસવીર આપ જુઓ છો એ એ લગ્ન વખતની જ છે. પાર્થ સાથે અમિષાનો સોશિયલ મીડિયા પર મેળાપ થયો હતો. છ મહિના સાથે રહ્યા હતા અને પિતાનું મૃત્યુ થતા અમિષા પીયર પરત ગઈ હતી. આ સમયગાળામાં જ પાર્થ ફરી સોશિયલ મીડિયા પર એક યુવતીના સંપર્કમાં આવ્યો હતો.
અમિષા ચૌહાણે વધુમાં જણાવ્યું હતું કે, ડિસેમ્બર મહિનામાં પાર્થે તેની સાથે છૂટાછેડા માગ્યા હતા. જે અંગે તેણે પોલીસ સ્ટેશનમાં અરજી પણ કરી હતી. જ્યારે લગ્ન મંડપે પહોંચ્યા ત્યારે પાર્થના પિતાએ ખોટા છૂટાછેડાના પેપર રજૂ કર્યા હતા. પરંતુ અમિષા અને પાર્થના હજુ ડિવોર્સ થયા જ નથી. આ લગ્નના ખર્ચની પણ માહિતી સામે આવી છે. વાતો થઈ રહી છે કે લગ્નમાં યુવતીના પરિવારજનોએ આશરે વીસ લાખ રૂપિયાનો ખર્ચો કર્યો હતો. છેલ્લા ચાર દિવસથી તેમના ઘરે જમણવાર ધામધૂમપૂર્વક ચાલતો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
