Team Chabuk-Sports Desk: જાણીતા જ્યોતિષ સુમિત બજાજે ઓસ્ટ્રેલિયા સામેની વર્લ્ડ કપની ફાઈનલને લઈને ભવિષ્યવાણી કરી છે. તેમણે યૂટ્યૂબ પર એક વીડિયોમાં કહ્યું છે કે, ભારત ફાઇનલ મેચમાં ટોસ હારી જશે, પરંતુ મેચમાં જીત નિશ્ચિત છે. આ ઉપરાંત રવિન્દ્ર જાડેજા અને કુલદીપ યાદવ પોતાની બોલિંગથી કમાલ દેખાડવાના છે.
સુમિત બજાજ નામના આ જ્યોતિષીની ભવિષ્યવાણી એટલા માટે પણ મહત્વની માનવામાં આવે છે કારણ કે ભૂતકાળમાં તેમણે સેમીફાઈનલ સહિતની તમામ મેચો વિશે સચોટ માહિતી આપી હતી.
બજાજે તેની યુટ્યુબ ચેનલ પર કહ્યું, “ભારત ઓસ્ટ્રેલિયાથી એક પોઇન્ટ આગળ છે, જે બતાવે છે કે ફાઇનલ ખૂબ જ અઘરી હશે.” તે અંત સુધી જશે, જેમાં ભારતનો વિજય થશે. ભારતની સરસાઈ જંગી છે અને ભારતની જીત નિશ્ચિત છે. ભારતીય ફાસ્ટ બોલરો સરેરાશ દેખાવ કરશે અને એકાદ-બે વિકેટ ઝડપી શકે તેમ છે, પણ જાડેજા અને કુલદીપ યાદવનું ખુબ જ મહત્વ રહેશે. બંને મેચ ભારતની તરફેણમાં ફેરવશે. બેટ્સમેનોમાં રોહિત શર્મા મહત્વની ઈનિંગ રમી શકે છે. વિરાટ કોહલી પણ ફાઇનલમાં ખૂબ જ સારી ઇનિંગ રમીને ભારતને જીતાડી શકે છે. આ સિવાય ત્રીજા બેટ્સમેન શ્રેયસ અય્યરનું ફોર્મ પણ સારું રહેશે. આ સાથે જ ઓસ્ટ્રેલિયન ટીમ તરફથી ડેવિડ વોર્નર, મિચેલ માર્શ અને સ્મિથ માટે બેટિંગના મામલે દિવસ સારો સાબિત થઇ શકે છે.
તાજેતાજો ઘાણવો
- રાજકોટ-મુંબઈ વચ્ચે દોડશે સુપરફાસ્ટ તેજસ ટ્રેન, જાણી લો ટાઈમટેબલ
- રાજ્ય સરકારના કર્મચારીઓના મોંઘવારી ભથ્થામાં વધારો
- ઊના: સૈયદ રાજપરામાં થયેલી ઘરફોડ ચોરીનો ભેદ ઉકેલાયો, પાડોશી મહિલાએ જ કરી કળા !
- સુરેન્દ્રનગરમાં સી.યુ. શાહ ટી.બી. હોસ્પિટલની બેદરકારીના કારણે દીકરીનો જીવ ગયો હોવાનો આરોપ
- મોરબીના મચ્છુ-3 ડેમમાં માતા-પુત્રીએ ઝંપલાવ્યું, દીકરીનું મોત
