Team Chabuk-Gujarat Desk: ભરૂચ જિલ્લાના અંકલેશ્વરમાં યુનિયન બેંકમાં લાખો રૂપિયાની લૂંટ થઈ. આરોપીઓ હથિયાર લઈ બેંકમાં ઘૂસ્યા હતા. જો કે, લૂંટ બાદ પોલીસ અને આરોપી સામ-સામુ ફાયરિંગ થયું જેમાં એક લૂંટારૂ ઈજાગ્રસ્ત થયો. સમગ્ર ઘટનામાં પોલીસે બે આરોપીને ઝડપી લીધા છે જ્યારે અન્ય બે આરોપી હજુ પોલીસ પકડથી દૂર છે.
અંકલેશ્વરના પિરામણનાકા નજીક યુનિયન બેંકની આ સમગ્ર ઘટના છે. આ લૂંટની ઘટનાના લાઈવ વીડિયો પણ સામે આવ્યા છે. જેમાં લૂંટારાઓ પોલીસ પર ફાયરિંગ કરતાં જોવા મળી રહ્યા છે. અને ભાગી જવા પ્રયાસ કરી રહ્યા છે. ઈજાગ્રસ્ત લૂંટારૂ પાસેથી પોલીસે કેટલીક રકમ પણ પરત મેળવી છે. ફરાર લૂંટારાને પકડવા નેશનલ હાઇવે સહિત એક્ઝીટ પોઇન્ટ ઉપર નાકાબંધી ગોઠવાઈ હતી.
બેંક અદરના સીસીટીવી ફૂટેજ પણ સામે આવ્યા છે જેમાં લૂંટારૂઓને ધાક જમાવતા અને રૂપિયાના થેલા ભરતા પણ જોઈ શકાય છે. લૂંટરારૂઓ આવતા જ બેંકનો સ્ટાફ ગભરાઈને ટેબલ નીચે બેસી ગયો હતો. ભરૂચ એસપી ડો. લીના પાટીલે જણાવ્યું હતું કે ઘટના અંગેની જાણ થતા જ પોલીસકાફલો ઘટના સ્થળે પહોંચ્યો હતો, જેમાં પોલીસ અને લૂંટારાઓ વચ્ચે સામસામી ફાયરિંગ થયું હતું. તેમાં એક લૂંટારૂ ઇજાગ્રસ્ત થયો હતો. તેને 108 દ્વારા સારવાર માટે રવાના કરવામાં આવ્યો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
