Team Chabuk-Gujarat Desk: વડોદરામાં કોલેજમાં અભ્યાસ કરતી સ્ટેટ લેવલની કબડ્ડી પ્લેયરની સાથે તેના જ મિત્રોએ દારૂ પાર્ટી કરી બાદમાં બળાત્કાર ગુજારતા ગળે ફાંસો ખાઈ આત્મહત્યા કરી છે. આ ઘટનામાં સામેલ એવા બે યુવાનોની મોડી રાત્રે પોલીસ દ્વારા ધરપકડ કરવામાં આવી હતી. આ અંગેની ઘટનાનો યુવતીએ વીડિયો પણ બનાવ્યો હતો. આ સમગ્ર ચકચારી બનાવમાં 19 વર્ષીય દિશાંત અને 20 વર્ષીય નઝીમની ધરપકડ કરવામાં આવી છે.
કોલેજમાં અભ્યાસ કરતી 19 વર્ષીય આ યુવતી લક્ષ્મીપુરા વિસ્તારમાં રહેતી હતી. તેણીએ સવારના સાડા દસ વાગ્યે ઘરે જ આપઘાત કર્યો હતો. 12 વાગ્યે પરિવાજનોને જાણ થતાં તેઓએ તેને હોસ્પિટલ ખસેડી હતી જ્યાં તેને તબીબો દ્વારા મૃત ઘોષિત કરવામાં આવતી હતી. અહીં પરિવારના લોકોએ આ સમગ્ર ઘટનાને ગેંગરેપ હોવાનો આક્ષેપ લગાવતા પોલીસે એ દિશામાં ચક્રો ગતિમાન કર્યા હતા.
આ યુવતી માતાના અવસાન બાદ ભાડે મકાન રાખી રહેતી હતી અને ખાનગી કંપનીમાં નોકરી કરતી હતી. મંગળવારના રોજ સાથી કર્મચારી અને મિત્ર એવા બે યુવક અને એક યુવતીએ રૂમ પર દારૂ પાર્ટી રાખી હતી. જ્યાં દારૂ પાર્ટી બાદ નશાના મદમાં ચૂર દિશાંત કહારે યુવતી પર બળાત્કાર કર્યો હતો.
સવારમાં યુવતીને દુષ્કર્મ અંગેની જાણ થઈ હતી. તેણે તેના એક મિત્રને આ અંગે જાણ કરી હતી. મિત્રએ તેને પોલીસ ફરિયાદ અંગે કહેતા તે ચોધાર આંસુએ રડી પડી હતી. ત્યારબાદ તેણે પિતાના નિવાસસ્થાને જઈ આપઘાત કરી લીધો હતો. જે પછી પોલીસે મોડી રાતે બંને યુવકોની ધરપકડ કરી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
