Team Chabuk-Gujarat Desk: અમદાવાદમાં એક યુવકે સોસાયટીમાં એક શ્વાનના પેટમાં છરીના ઘા ઝીંકી દીધા અને શ્વાનને ગંભીર રીતે ઈજાગ્રસ્ત કર્યો. પીડાથી કણસતા આ શ્વાનને એક મહિલાએ જીવદયાપ્રેમીઓની મદદથી એનિમલ હોસ્પિટલ ખસેડી સારવાર કરાવી હતી. યુવક સામે જીવદયા પ્રેમીઓએ ફરિયાદ નોંધાવતા સમગ્ર મામલો પોલીસ સ્ટેશને પહોંચ્યો છે.
લોહી લુહાણ હાલતમાં શ્વાનને આખો દિવસ કણસતો જોઈને એક મહિલા જીવદયાપ્રેમીઓની મદદથી તેને સારવાર માટે લઈ ગઈ હતી, જ્યારે શ્વાન પર હુમલો કરનાર વ્યક્તિને ફોન કરતા તેણે મદદ કરવાની વાત કરી હતી. પરંતુ ત્યારબાદ તેણે ફોન ઉપાડ્યો નહીં અને ત્યાં આવ્યો પણ નહીં. આ સમગ્ર મામલો પોલીસ સ્ટેશન પહોંચ્યો હતો.
મહિલાએ જીવદયા સંસ્થાનો સંપર્ક કર્યો હતો. બાદમાં શ્વાનને એનિમલ હોસ્પિટલ ખસેડ્યું હતું. જ્યાં ડોક્ટરે કહ્યું હતું કે, તેને ગંભીર ઈજા થઈ છે અને છરીના ઘા માર્યા હોય તેવું લાગી રહ્યું છે. આ સમગ્ર મામલે મહિલાએ જણાવ્યું હતું કે, આ વિસ્તારમાં રહેતો કુણાલ ઉર્ફે બોબડો સોલંકીએ છરીના ઘા શ્વાનના પેટમાં ઝીંક્યા છે.
હુમલો કરનારનો સંપર્ક કરતા તેણે પહેલા સારવાર માટેનો ખર્ચ ઉપાડવાની વાત કરી માફી માગી હતી. પરંતુ ત્યારબાદ તેણે ફોન ઉપાડવાનું બંધ કરી દીધું અને કોઈ જવાબ આપ્યો નહીં. આથી જીવદયા પ્રેમીઓએ પોલીસને જાણ કરી હતી.
પોલીસે આરોપી કૃણાલ સામે ગુનો નોંધીને તપાસ હાથ ધરી છે. જ્યારે આ અંગે આરોપીની અટકાયત કરવા માટેના પણ પ્રયાસો કરવામાં આવી રહ્યા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
