Team Chabuk-Gujarat Desk: રાજ્યમાં રખડતાં કૂતરાઓનો આતંક વધી રહ્યો છે. કુતરાના આતંકની વધુ એક ઘટના ભાવનગરમાં સામે આવી છે. ભાવનગરમાં હડકાયા કુતરાએ મહિલાના ગાલ પર અને શરીર પર બચકા ભરી લેતાં મહિલાનું મોત થયું છે..
ભાવનગર જિલ્લાના જેસર દેપલા ગામે રખડતા કુતરાએ મહિલાનો ભોગ લીધો છે. દેપલા ગામે હડકાયા કુતરાએ મહિલાને ગાલ પર અને શરીર પર જોરદાર બચકા ભરી ગંભીર ઈજાઓ પહોંચાડી હતી. બે દિવસ પહેલા 34 વર્ષના પુનમબેન ગોવિંદભાઈ નામના મહિલા પર હડકાયા કુતરાએ હુમલો કરતા તેમને ગંભીર ઈજાઓ થઈ હતી. તેમને તુરંત સારવાર માટે ભાવનગરની સર ટી હોસ્પિટલમાં લઈ જવામાં આવ્યા હતા. જોકે ઈજાઓ એટલી ગંભીર હતી કે મહિલાનો જીવ બચી શક્યો ન હતો અને તેમણે સારવાર દરમિયાન દમ તોડ્યો હતો.
મૃતક પુનમબેન 4 સંતાનોની માતા હતા. તેમના અચાનક મૃત્યુથી આ ચારેય સંતાનોએ માતાની છત્રછાયા ગુમાવી દીધી છે. રખડતા ઢોર અને કુતરાઓના આતંકને કારણે હવે ગામના લોકોમાં પણ ગુસ્સો જોવા મળી રહ્યો છે અને સરપંચે ગામમાંથી કુતરાનો આતંક દુર કરવા માંગ કરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
