Team Chabuk-Gujarat Desk: ભાવનગર જિલ્લાના સિહોરના એક ગામના યુવકનું વિશાખાપટ્ટનમ ખાતે દરિયામાં ડૂબી જવાથી મોત થયું છે. સિહોર ગામનો આશાસ્પદ યુવક વિશાખાપટ્ટનમ ખાતે નેવીમાં નોકરી મેળવવા માટે ફિટનેસ ટેસ્ટ આપવા ગયો હતો. ફિટનેસ ટેસ્ટમાં પાસ થયા બાદ યુવક દરિયામાં ન્હાવા ગયો હતો જ્યાં તેનું ડૂબી જવાથી મોત નિપજ્યું છે. ઘટનાના કારણે પરિવારજનોમાં શોકનું મોજું ફરી વળ્યું છે.
મળતી વિગતો પ્રમાણે, ભાવનગરના સિહોરના જીથરી ગામના ખીમજીભાઈ મકવાણાનો 20 વર્ષીય પુત્ર હાર્દિક મકવાણા વિશાખાપટ્ટનમના દરિયામાં ડૂબ્યો હતો. અમદાવાદમાં એમ.જી સાયન્સ કોલેજ ખાતે અભ્યાસ કરતો હાર્દિક મકવાણા નેવીમાં કારકિર્દી બનાવવા માંગતો હતો અને તેથી તે વિશાખાપટ્ટનમ ખાતે નેવીમાં ફિટનેસ અંગેની ટેસ્ટ આપવા ગયો હતો. હાર્દિક મકવાણા ફિટનેસ ટેસ્ટમાં પાસ થઈ ગયો હતો. જેથી તે ખૂબ ખુશ હતો. આ ખુશીમાં તે વિશાખાપટ્ટનમના આર.કે. બીચ ખાતે ન્હાવા ગયો હતો.
પરંતુ હાર્દિકની ખુશી લાંબો સમય ટકી ન હતી અને તે આ દુર્ઘટનાનો ભોગ બન્યો. દરિયામાં ન્હાતા સમયે ડૂબી જતાં આ આશાસ્પદ યુવક હાર્દિક મકવાણાનું મોત થયું હતું. સ્થાનિક તરવૈયાઓ દ્વારા શનિવારે સાંજે તેનો મૃતદેહ દરિયામાંથી શોધીને બહાર કાઢવામાં આવ્યો હતો.
બીજી તરફ હાર્દિકના મૃતદેહને વિમાન માર્ગે ભાવનગર લાવવાની તજવીજ હાથ ધરાઈ હતી. કેન્દ્રીય મંત્રી મનસુખ માંડવીયા અને ભાવનગર જિલ્લા પંચાયત પ્રમુખ ભરતસિંહ ગોહિલ સહિતના લોકો પરિવારના સંપર્કમાં રહી મદદમાં કરી રહ્યા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
