જૂનાગઢ: આ PSIએ કરી એવી કામગીરી કે હવે ગ્રામ્યજનો જ નથી ઈચ્છતા કે તેમની બીજે ક્યાંય બદલી થાય

Team Chabuk-Gujarat Desk: કેટલાક સરકારી અધિકારીઓ નથી બોલતા કે મેં આ કરી બતાવ્યું, પરંતુ તેમનું કામ બોલે છે. જ્યારે કામ બોલે છે ત્યારે ખૂદ જનતા સામે આવીને કહે છે. આવું જ બન્યું છે બિલખાના PSI કે.વી.પરમારની સાથે. હમણાં જ એક સાથે બાર PSIની જૂનાગઢ જિલ્લામાં આંતરિક બદલી કરવામાં આવી. જેમાં બિલખાના પીએસઆઈને માંગરોળ ખાતે ખસેડવામાં આવ્યા છે. પીએસઆઈની બદલી થતાં જૂનાગઢ જિલ્લાના બિલખા ગામવાસીઓ આગબબૂલા થઈ ગયા છે અને બદલીને રદ કરવાની માગ કરી રહ્યા છે.

બિલખા ગામના રહેવાસીઓનું કહેવું છે કે PSI કે.વી.પરમાર અહીં આવ્યા તેને આઠ મહિના જેટલો જ સમયગાળો વિત્યો છે. એવામાં કાયદો અને વ્યવસ્થાની જે કથળેલી સ્થિતિ હતી તેને તેમણે કાબુમાં લાવી દીધી છે. ઉપરાંત ભાઈચારાની ભાવનાને વધારે ઉજાગર કરી છે. આ કારણે જ હિંદુ અને મુસ્લિમોના તહેવારો પણ શાંતિ અને સૌહાર્દપૂર્વક ઉજવાય છે. ગામની શાંતિમાં કાંકરીચાળો કરતાં અસામાજિકતત્વોને પણ તેમણે કાયદાનું ભાન કરાવ્યું છે.

પીએસઆઈની આ કામગીરીના કારણે ગ્રામ્યજનો કહી રહ્યા છે કે પીએસઆઈની બદલીને રદ કરવામાં આવે અને અહીં જ તેમને કામગીરી કરવા દેવામાં આવે. ભૂતકાળમાં આપણે જોયું છે કે અસંખ્ય વખત પોલીસની કામગીરી પર આંગળી ચીંધવામાં આવે છે, ત્યારે કે.વી.પરમાર જેવા નિષ્ઠાવાન અધિકારીઓ પ્રત્યે બિલખાના ગ્રામ્યજનોની આ લાગણી જોઈ તેમને સેલ્યુટ કરવાનું મન થઈ જાય.

કયા કયા અધિકારીઓની થઈ બદલી?

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત