Team Chabuk-Gujarat Desk: રાજ્યમાં સૌથી વિવાદિત ભરતી જેને ગણવામાં આવે છે તે બિન સચિવાલય ક્લાર્કની ભરતી અંગે મોટા સમાચાર આવ્યા છે. ઉમેદવારો જે ભરતીની પરીક્ષાની લાંબા સમયથી કાગડોળે રાહ જોઈ રહ્યા હતા તે બિન સચિવાલય ક્લાર્ક પરીક્ષાની તારીખ જાહેર કરવામાં આવી છે. ગુજરાત સરકારનાં વિવિધ ખાતાના વડાની કચેરીઓ અને મહેસૂલ વિભાગના નિયંત્રણ હેઠળની કલેક્ટર કચેરીઓ માટે કારકૂન, વર્ગ-3 સંવર્ગ અને સચિવાલયના વિભાગે માટે ઓફિસ આસિસ્ટન્ટ વર્ગ-3ની પરીક્ષા અંગેનું નોટિફિકેશન બહાર પાડવામાં આવ્યું છે. સચિવાલયનાં વિભાગો માટે ઓફિસ આસિસ્ટન્ટ વર્ગ માટેની ભરતી પરીક્ષા જાહેરાત કરવામાં આવી છે.
અત્રે ઉલ્લેખનીય છે કે, આ પરીક્ષાનું આયોજન 13 ફેબ્રુઆરી 2022 ને રવિવારે બપોરે 12થી 2 દરમિયાન આયોજીત કરવામાં આવશે. આ સંપુર્ણ પરીક્ષા OMR પદ્ધતિ દ્વારા આયોજિત કરવામાં આવશે. આ પરીક્ષા 2018માં રદ્દ કરવામાં આવી હતી. ત્યારથી આ સંવર્ગની તૈયારી કરી રહેલા અનેક વિદ્યાર્થીઓ આ પરીક્ષાની રાહ જોઈ રહ્યા હતા. આ મુદ્દે અનેક આંદોલનો પણ થયા હતા. ગુજરાતની સૌથી વિવાદિત ભરતીઓ પૈકીની એક આ ભરતીની નવી તારીખ આખરે જાહેર થઈ જતાં ઉમેદવારોમાં ઉત્સાહ જોવા મળી રહ્યો છે.
સ્પર્ધાત્મક લેખિત પરીક્ષાના કોલ લેટર ડાઉનલોડ કરવા માટે વિગતવાર કાર્યક્રમ પરીક્ષાની તારીખના પંદર દિવસ પહેલાં મંડળની વેબસાઈટ પર મૂકવામાં આવશે. જેની ઉમેદવારોએ નોંધ લેવી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
