Team Chabuk-Gujarat Desk: હાલના સમયમાં બદલાયેલા ખોરાક અને સગર્ભા મહિલાઓની બેદરકારીના કારણે ઘણી વખત જન્મતાં બાળકોમાં અનેક પ્રકારની ખોટ જોવા મળતી હોય છે. ત્યારે મોરબીના હળવદમાં આવા જ એક વિચિત્ર બાળકનો જન્મ થયો છે. હળવદની ખાનગી હોસ્પિટલમાં ગઈકાલે મંગળવારે રાત્રે જન્મેલા એક બાળકના શરીરમાં મગજનો વિકાસ જ નહોતો થયો. ત્યારે આ કિસ્સો સગર્ભા બહેનો માટે ચેતવણીરૂપ કિસ્સો છે.
પુરા માસે જન્મેલા આ બાળકમાં મગજનો વિકાસ થયેલો ન હતો. આવું બનવા પાછળનું કારણ જણાવતા ડો. અંકિત માલમપરાએ જણાવ્યું કે ફોલિક એસિડની કમીના કારણે આ પ્રકારે બાળક જન્મતું હોય છે. હળવદની પાર્થ હોસ્પિટલમાં દાખલ થયેલ મધ્યપ્રદેશની આદિવાસી શ્રમિક મહિલાને પુરા માસે ગઈકાલે બાળકનો જન્મ થયો હતો. પરંતુ આ બાળકના શરીરમાં મગજનો વિકાસ જ ન થયો હોઈ બાળક અલ્પજીવી બની રહે તેવી આશંકા ડો. અંકિત માલમપરાએ વ્યક્ત કરી હતી.
ડો. અંકિત માલમપરાએ ઉમેર્યુ હતું કે, સગર્ભાવસ્થા દરમિયાન પ્રસૂતા માતાને ફોલિક એસિડ વિટામિન આપવામાં આવે છે પરંતુ આ વિટામિન ન લેવાના કારણે આવું બાળક જન્મતું હોય છે. એક લાખ જેટલા કિસ્સામાં આવું એક બાળક જન્મતું હોવાનું જણાવી ડો.અંકિત માલમપરાએ તમામ પ્રસૂતા બહેનોએ તબીબની સલાહ મુજબ ફોલિક એસિડ વિટામિન અવશ્ય લેવા પર ભાર મૂક્યો હતો.
તાજેતાજો ઘાણવો
- રાજ્ય સરકાર આ તારીખથી ટેકાના ભાવે મગની ખરીદી શરૂ કરશે, જાણીનો ભાવ
- ખેડૂતો ચિંતા ના કરતાં, અંબાલાલ પટેલે કરી આગાહી, આ તારીખથી શરૂ થશે વરસાદ
- બીએપીએસના મહંત સ્વામીનું રાજકોટમાં ભવ્ય સ્વાગત, 26 દિવસના રોકાણ દરમિયાન યોજાશે વિવિધ કાર્યક્રમો
- અમદાવાદની આ હોસ્ટેલમાં વિદ્યાર્થીઓને મળશે ફ્રીમાં રહેવા-જમવાની સુવિધા, આ રીતે મળી શકશે પ્રવેશ
- નરેન્દ્ર મોદી 3.0નું જમ્બો મંત્રીમંડળ, ગુજરાતના 6 સાંસદો બન્યા મંત્રી, જુઓ આખું લિસ્ટ
