Team Chabuk-Gujarat Desk: ગીર સોમનાથ જિલ્લાના તાલાલા ગીરના જંગલમાં રાત્રી દરમિયાન સિંહ દર્શનનો ત્રણ યુવાનોને ચસ્કો ચડ્યો હતો. જેમાંથી બે આણંદના અને એક સુરવા ગીરનો યુવક હતો. રાત્રીના તેમને સિંહ દર્શનનો લાભ તો ન થયો પણ પેટ્રોલિંગ પર નીકળેલા વનવિભાગના કર્મચારીઓનો ભેટો થઈ ગયો. કર્મચારીઓએ તેમની પાસેથી 45 હજ્જારનો દંડ વસૂલ કર્યો હતો. આ કાર્યવાહીના પગલે અન્ય પ્રવાસીઓમાં ફફડાટની લાગણી પ્રસરી ગઈ છે.
ઘટનાની પ્રાપ્ત વિગતો કંઈક એવી છે કે ગીર સોમનાથ જિલ્લાના તાલાલા ગીરની નજીક આવેલા સુરવા ગીર ગામ ખાતે પી.એફના જંગલ વિસ્તારમાં આર.એફ.ઓ બિમલભાઈ ભટ્ટ અને ફોરેસ્ટનો સ્ટાફ રાત્રી પેટ્રોલિંગ દરમિયાન નીકળ્યો હતો. એવામાં તેમને જંગલમાં સિંહ દર્શન કરવા આટાફેરા મારતા ત્રણ યુવકોનો ભેટો થઈ ગયો.
આ યુવકોમાં બે આણંદના હતા. એક રોહન પ્રવીણભાઈ પરીખ અને બીજા પ્રવીણ નગીનદાસ પરીખ. આ સિવાય સુરવા ગીરનો જ બ્લોચ આસિફ મુસ્તાક પણ હતો. સ્ટાફે આ ત્રણેને જંગલમાં જવાની મંજૂરી રજૂ કરવાનું કહ્યું હતું. મંજૂરી તેમની પાસે ન હોય અને જંગલમાં ગેરકાયદેસર રીતે ઘુસ્યા હોય એ માટે વન વિભાગે તેમની પાસેથી દંડ પેટે 45 હજારની રકમ વસુલ કરી હતી. વન વિભાગની કડક કાર્યવાહીના પગલે ગીર જંગલની આસપાસના વિસ્તારોના ગ્રામ્યજનોમાં ફફડાટની લાગણી ફેલાઈ ગઈ છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
