રાજ્યના ચાર મહાનગરોમાં આ ગતિથી વધી રહ્યા છે કોરોનાના કેસ

Team Chabuk-Gujarat Desk: ગુજરાતમાં દિન પ્રતિદિન કોરોનાના દર્દીઓમાં વધારો થઈ રહ્યો છે. છેલ્લા કેટલાક દિવસોથી કોરોનાના કેસમાં મોટો ઉછાળો જોવા મળ્યો છે. ખાસ કરીને મહાનગરોમાં ઝડપથી કોરોનાના કેસ વધી રહ્યા છે. કોરોનાના કેસ વધતા એક્ટિવ કેસની સંખ્યા પણ વધી ગઈ છે. જેના કારણે સરકાર પણ ચિંતિત છે. હોસ્પિટલોમાં બેડની સંખ્યા પણ વધારી દેવામાં આવી છે. સરકાર દ્વારા વેક્સિનેશનમાં પણ વધારો કરવામાં આવ્યો છે.

ગુજરાત રાજ્યમાં છેલ્લા દસ દિવસમાં કેસ ડબલ કરતાં પણ વધી ગયા છે. ગત 15 માર્ચના રોજ દૈનિક કેસ 890 હતા તે 25 માર્ચના રોજ 1961 પર પહોંચી ગયા છે. એટલે કે રાજ્યમાં દૈનિક કોરોના કેસમાં મોટો વધારો જોવા મળ્યો છે.

ગુજરાતમાં છેલ્લા 10 દિવસમાં કેસ

અમદાવાદ શહેરની છેલ્લા દસ દિવસની સ્થિતિ

મેટ્રો શહેરમાં અમદાવાદમાં સૌથી વધુ કેસ નોંધાઈ રહ્યા છે. અમદાવાદમાં 15 માર્ચના રોજ 209 કેસ નોંધાયા હતા જે વધીને 25 માર્ચના રોજ 558 થઈ ગયા છે.

સુરતમાં પણ પરિસ્થિતિ વિકટ

અમદાવાદ શહેર કરતાં પણ વધુ કોરોનાના કેસ સુરત શહેરમાં નોંધાઈ રહ્યા છે. સુરત શહેરની જો વાત કરવામાં આવે તો 15 માર્ચના રોજ 209 કેસ નોંધાયા હતા જે દિવસે દિવસે વધતા ગયા અને 25 માર્ચના રોજ 558 પર પહોંચી ગયા છે.

વડોદરા શહેરના છેલ્લા 10 દિવસના આંકડા

અમદાવાદ અને સુરત શહેરની સરખામણીએ વડોદરા શહેરમાં સ્થિતિ થોડી કાબૂમાં જણાઈ રહી છે. પરંતુ છેલ્લા 10 દિવસની વાત કરીએ તો વડોદરામાં પણ દૈનિક કેસમાં નોંધપાત્ર વધારો જોવા મળ્યો છે. વડોદરા શહેરમાં 15 માર્ચના રોજ 93 કેસ નોંધાયા હતા જે 25 માર્ચના રોજ 184 સુધી પહોંચી ગયા છે.

રાજકોટ શહેરમાં પણ દૈનિક કેસમાં ઉછાળો

રાજકોટમાં પણ કોરોનાના દૈનિક કેસમાં વધારો થયો છે. 15 માર્ચના રોજ રાજકોટ શહેરમાં 95 કોરોનાના નવા દર્દી નોંધાયા હતા જે વધીને 25 માર્ચના રોજ 168 થઈ ગયા છે.

રાજ્યના ચાર મહાનગરોમાં જે રીતે દૈનિક કોરોનાના કેસ વધી રહ્યા છે તેને લઈને સરકારની સાથે સાથે મનપા તંત્ર પણ ચિંતિત બન્યું છે. કોરોનાને કાબૂમાં લેવા રાજ્ય સરકારે પહેલાંથી જ ચારેય મહાનગરોમાં રાત્રિ કર્ફ્યૂ લાદી દીધો છે. આ ઉપરાંત ચારેય મહાનગરોમાં બાગ-બગીચા, પ્રાણી સંગ્રહાલય જેવા જાહેર સ્થળો પણ બંધ કરી દીધા છે. હાલ મહાનગરોમાં શાળા-કોલેજમાં ઓફલાઈન શિક્ષણ પણ બંધ કરી દેવાયું છે.

કોરોનાના વધી રહેલા કેસને કાબૂમાં લેવા માટે મહાનગરોમાં ટેસ્ટિંગ પણ વધારી દેવામાં આવ્યું છે. તંત્ર દ્વારા ફરીથી ટેસ્ટિંગ બુથ શરૂ કરી દેવાયા છે. સાથે જ વેક્સિનેશનની પ્રક્રિયા પણ ઝડપી બનાવવામાં આવી છે.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત