Team Chabuk-Gujarat Desk: રાજ્યમાં ચોમાસાએ દસ્તક આપી દીધી છે. અમરેલીના સાવરકુંડલા તાલુકામાં મેઘરાજા જાણે મહેરબાન થયા હોય તેમ સતત ચોથા દિવસે વરસાદ વરસ્યો છે. સાવરકુંડલાના વીજપડી ગામમાં મેઘરાજાની ધમાકેદાર એન્ટ્રી થઈ છે. વીજપડી ગામમાં ધોધમાર વરસાદના કારણે રસ્તાઓ પર નદીની માફક પાણી વહ્યા છે. સતત ચોથા દિવસે સાવરકુંડલાના ગ્રામ્ય વિસ્તારમાં વરસાદ થતાં ખેડૂતોમા ખુશીનો માહોલ જોવા મળ્યો છે. વીજપડી, ગોરડકા, ખડસલી, ભમર, છાપરી સહિત આસપાસના ગ્રામ્ય વિસ્તારમાં વરસાદના કારણે વાતાવરણમાં ઠંકક પ્રસરી ગઈ છે.
રાજ્યના અન્ય કેટલાક જિલ્લાઓમાં પણ વરસાદ વરસ્યો છે. આજે બપોર બાદ જૂનાગઢ શહેર અને જિલ્લાના કેટલાક વિસ્તારોમાં વરસાદ પડ્યો છે. વિસાવદર અને માળીયા હાટીનામાં પણ વરસાદ પડ્યો છે. વલસાડ જિલ્લાના અનેક પથંકમાં શુક્રવારે મધ્યરાત્રિએ ગાજવીજ સાથે વરસાદ વરસ્યો હતો. વલસાડ તાલુકામાં 14 MM અને કપરાડા તાલુકામાં 2 MM વરસાદ વરસ્યો હતો.
બીજી તરફ આગામી 48 કલાકમાં કોંકણ, ગુજરાતના અમુક વિસ્તારો, મધ્ય મહારાષ્ટ્રમાં વરસાદને લઈને આગાહી કરવામાં આવી છે. આ ઉપરાંત કર્ણાટક, તામિલનાડુ, તેલંગાણા, આંધ્રપ્રદેશમાં પણ વરસાદની આગાહી કરવામાં આવી છે. દક્ષિણ પશ્ચિમ ચોમાસું આજે 11મી જૂન, 2022ના રોજ મધ્ય અરબી સમુદ્રના બાકીના ભાગો, કોંકણના મોટાભાગના ભાગો (મુંબઈ સહિત), મધ્ય મહારાષ્ટ્રના કેટલાક ભાગો, કર્ણાટકના કેટલાક ભાગોમાં આગળ વધ્યું છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
