Team Chabuk-Gujarat Desk: ડમીકાંડ મામલે સામે આવેલા કથિત તોડકાંડમાં યુવરાજસિંહ જાડેજાના વધુ બે દિવસના રિમાન્ડ મંજૂર કરવામાં આવ્યા છે. તોડકાંડ મામલે યુવરાજસિંહ પોલીસ કસ્ટડીમાં છે. આજે તેઓના સાત દિવસના રિમાન્ડ પૂર્ણ થતાં ફરી કોર્ટમાં રજૂ કરાયા હતા. જ્યાં પોલીસે વધુ સાત દિવસના રિમાન્ડની માંગણી કરી હતી. જો કે કોર્ટે યુવરાજસિંહ જાડેજાના 2 દિવસના જ રિમાન્ડ મંજૂર કર્યા છે.
તોડકાંડમાં સંડોવાયેલા બિપીન ત્રિવેદી અને ઘનશ્યામ લાધવાને જેલ હવાલે કરવાનો કોર્ટે હુકમ કર્યો છે. આ બંને પાસેથી પોલીસ દ્વારા 10 લાખ રૂપિયા રિકવર કરવામાં આવ્યા હતા. જેલ હવાલે થતા પહેલા ઘનશ્યામ લાઘવાએ મોટું નિવેદન આપ્યું હતું. પૈસા લેવાના આક્ષેપ પર તેણે કહ્યું કે, અમે કોઈ વાતની પૃષ્ટિ કરતા નથી. અમને ન્યાય તંત્ર ઉપર સંપૂર્ણ ભરોસો છે. જ્યારે ડમીકાંડના મુખ્ય સૂત્રધાર એવા આરોપી શરદ પનોતે કહ્યું કે, અમે કોઈ વસ્તુ કરી નથી. આ રાજકીય સ્ટંટ છે.
નોંધનીય છે કે, ડમીકાંડમાં યુવરાજસિંહ જાડેજા પર બે આરોપીઓના નામ ન લેવા 1 કરોડ રૂપિયાનો તોડ કર્યાનો આરોપ લાગ્યો છે. પોલીસ દ્વારા યુવરાજસિંહને 21મી એપ્રિલે પૂછપરછ માટે બોલાવાયા હતા. આ બાદ તેમની ધરપકડ કરવામાં આવી હતી.
યુવરાજસિંહ અને તેના માણસો સામે 1 કરોડ રૂપિયાની ખંડણીની ફરિયાદ બાદ પોલીસે અત્યાર સુધીમાં 73 લાખ 50 હજાર રૂપિયા રિકવર કર્યા છે. જેમાં સૌ પ્રથમ યુવરાજસિંહના સાળા કાનભાએ તેમના મિત્રના ઘરે રાખેલા 38 લાખ રૂપિયા SITએ રિકવર કર્યા હતા. ત્યારબાદ યુવરાજસિંહના બીજા સાળા શિવુભાના મિત્રના ઘરેથી 25.50 લાખ અને પાંચ-પાંચ લાખ રૂપિયા ઘનશ્યામ લાધવા અને બિપીન ત્રિવેદી પાસેથી રિકવર કરવામાં આવ્યા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
