Team Chabuk-Gujarat Desk: સૌરાષ્ટ્રના સૌથી મોટા માર્કેટિંગ યાર્ડ ગોંડલમાં ખેડૂતો પોતાની જણસ વેચવા પ્રથમ પસંદગી કરે છે. આ પસંદગીનું કારણ અહીંની પારદર્શિતા, વહીવટી સંચાલન અને સરળતા હોવાનું ખેડૂતો જણાવે છે. હાલ ખેડૂતોના ખેતરમાં ધાણા, જીરું, ઘઉં સહિતના રવિ પાકો તૈયાર થઈ ગયા છે. ત્યારે ગોંડલ માર્કેટીંગ યાર્ડમાં એક જ દિવસમાં અધધ બે લાખ ગુણી ધાણાની આવક થઈ હતી.
એક સાથે 2 લાખ ગુણીની ધાણાની આવક થતા ગોંડલ માર્કેટીંગ યાર્ડમાં માલનો ભરાવો થઈ ગયો હતો. જેના કારણે વ્યવસ્થા એકાએક ખોરવાઈ જવાની અણી પર હતી. પરંતુ ગોંડલ માર્કેટીંગ યાર્ડના ચેરમેન અલ્પેશ ઢોલરિયા તાત્કાલિક માર્કેટીંગ યાર્ડની સમગ્ર વ્યવસ્થાને સંભાળી લીધી હતી. તેમજ યાર્ડના ઇતિહાસમાં પ્રથમ વખત ખેડૂતોના દર્દને સમજી ચેરમેને ખેડૂતોની ફેસબુકના માધ્યમથી માફી પણ માંગી હતી.
યાર્ડના ચેરમેન અલ્પેશ ઢોલરીયાએ પોતાના ફેસબુક પર જણાવ્યું કે, આજે ગોંડલ માર્કેટીંગ યાર્ડમાં ધાણાની આવક એકદમ એકી સાથે 2,00,000 બોરી જેવી થઈ અને આજે મારા ખેડૂત મિત્રોને અને વાહન વાળાને થોડી હેરાન ગતિ થઈ તેના માટે અમે માફી માંગીએ છીએ તો પણ જગ્યા નથી એ અમારી મજબૂરી ખેડૂત મિત્રો સમજીને અમને વ્યવસ્થામાં ખુબજ સહકાર આપે છે. એની સાથે ખેડૂતો જોડે નિર્દોષ વાત ચીત કરવાનો આંનદ કાંઈક અલગ જ હોય છે.
ધાણાનો બજાર ભાવ
રાજકોટ- ૧૬૮૦ થી ૨૫૨૫
ગોંડલ- ૧૩૦૧ થી ૨૩૭૬
ઉપલેટા- ૧૫૦૦ થી ૨૦૬૫
અમરેલી- ૧૦૦૦ થી ૨૩૮૦
જામજોધપુર- ૧૫૦૦ થી ૨૦૪૦
જસદણ- ૧૪૦૦ થી ૨૧૦૦
જેતપુર- ૧૮૦૧ થી ૨૫૫૬
પોરબંદર- ૧૬૭૫ થી ૨૧૨૫
વિસાવદર- ૧૫૫૪ થી ૨૦૦૬
જૂનાગઢ- ૧૭૦૦ થી ૨૧૧૨
ધોરાજી- ૧૮૬૬ થી ૨૦૦૧
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
