Team Chabuk-Gujarat Desk: સુરતમાં નશીલા પદાર્થનું સેવન અને વેચાણના રેકેટને રોકવા સુરત પોલીસ સતત કામગીરી કરી રહી છે. ત્યારે પોલીસે ગાંજો તથા ડ્રગ્સ પીવા માટે વપરાતી સ્ટીક સાથે બે આરોપીને ઝડપી પાડયા હતા. પાંડેસરાનો ગલ્લાવાળા પર ગાંજા સહિતના નશાકારક ડ્રગ્સ પીવા માટે વપરાતી સ્ટીક બિલ વગર રાખતો હોવાની બાતમીના આધારે પોલીસે રેડ કરી હતી.
સુરતના પાંડેસરા પોલીસના સર્વેલન્સની ટીમ પેટ્રોલીમાં હતી તે દરમિયાન બાતમીના આધારે શહેરના પાંડેસરા આશાપુરી સોસાયટી શિવ પાન સેન્ટરમાં પોલીસ પહોંચી હતી. ત્યાં લલન શિવનંદન યાદવ તથા ગોવર્ધન ગૌરાંગચરણ નાયકને ઝડપી પાડયા હતા. સાથે જ ગલ્લામાંથી તપાસ કરતા ગલ્લામાંથી કોબ્રા પેપર્સના નવ બોકસ અને રોલર બિયર પેપરનું એક બોકસ મળી આવ્યું હતુ. તેનું બિલ આ ગલ્લાવાળા પાસે નહીં મળતા પોલીસે 41(ડી) હેઠળ બંનેની અટકાયત કરી હતી.
આ ઉપરાંત તેમની પાસેથી 9 બોકસ કોબ્રા પેપર્સ મળી આવ્યા હતા. જે એક બોકસમાં 60 નંગ કોબ્રા પેપર તથા રોલર બિયર પેપર મળી આવતા તે પણ કબજે કરાયા હતા. શહેરમાં પાનના ગલ્લા ધરાવતાં દુકાનદારોને થોડાંક નફા માટે આવા પેપર્સ વેચી યુવાઓને નશા તરફ જતાં અટકાવવા અપીલ કરી છે. સાથે જ નશાને પ્રોત્સાહીત કરતાં તત્વો ઉપર કાર્યવાહી કરવાની પણ ચીમકી આપી છે. બીજી તરફ હવે સીટીલાઈટ, વેસુ વી.આઈ.પી. રોડ તથા કેનાલ રોડ ઉપર આવેલી દુકાનો અને ગલ્લા ઉપર પણ પોલીસે કાર્યવાહી કરે તેવી માગણી ઉઠી છે.
જેને લઈને હાલ પોલીસે અલગ-અલગ ટીમ બનાવી આવા પાનના ગલ્લાંવાળા વિરુદ્ધ કાર્યવાહી શરૂ કરી છે. આગામી સમયમાં નશાનું વેચાણ કરતા આવા વધુ આરોપીઓ ઝડપાય તેવી શક્યતા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
