Team Chabuk-Gujarat Desk: ગુજરાતમાં ખુલ્લેઆમ દારૂ વેચાઈ રહ્યો છે અને પિવાઈ રહ્યો છે. નશાખોરોને પોલીસ કે કાયદાનો જરા પણ ડર નથી તે વાતની સાબિતી આપતો કિસ્સો રાજકોટમાંથી સામે આવ્યો છે. હાલ સોશિયલ મીડિયામાં એક વીડિયો વાઈરલ થયો છે જેમાં લગ્ન પ્રસંગમાં સ્ટેજ પર વરરાજાના જાહેરમાં તેના મિત્રો દારૂ પીવડાવી રહ્યા છે. આ વરરાજાને જાહેરમાં દારૂ પીવડાવતો વીડિયો વાઈરલ થતાં જ પોલીસ એક્શન મોડમાં આવી ગઈ છે અને આ મામલે વરરાજા અને તેના મિત્રની અટકાયત પણ કરી છે.
વાઈરલ થયેલા આ વીડિયોમાં એક યુવકના લગ્નપ્રસંગમાં તેનો મીત્રો તેને ખુલ્લેઆમ દારૂની બોટલ મોઢામાં નાખી દારૂ પીવડાવી રહ્યા છે ! આ વીડિયો રાજકોટના ભીસ્તીવાડ વિસ્તારનો હોવાનું જાણવા મળ્યું છે ત્યારે તેના વાયરલ થયા બાદ પોલીસે આ મામલે તપાસ હાથ ધરી છે. વીડિયોમાં દેખાઈ રહ્યું છે કે વરરાજાને ફરતે ચાર જેટલા મિત્રો ડાન્સ કરી રહ્યા છે. બરાબર આ જ સમયે એક યુવક દારૂની બોટલ લઈને વરરાજાની બાજુમાં આવી પહોંચે છે અને તેને દારૂ પીવડાવવાનો પ્રયત્ન કરે છે. વરરાજાએ પણ મિત્રતા ખાતર એકાદ ઘૂંટ લગાવી લીધા બાદ તેને દારૂ પીવડાવી રહેલો યુવક બોટલ પાછળ રાખી દે છે. ત્યારપછી બધા મિત્રો નાચવાનું શરૂ કરી દેતાં હોવાનું વીડિયોમાં જોવા મળી રહ્યું છે.
આ અંગે તપાસ કરવામાં આવતાં વીડિયો ગતરાત્રે ભીસ્તીવાડમાં યોજાયેલા એક લગ્નનો હોવાનું ચર્ચાઈ રહ્યું છે અને બે દિવસ પહેલા એટલે કે 14 મેના રોજના લગ્નપ્રસંગનો આ વીડિયો હોવાનું કહેવાઈ રહ્યું છે. ત્યારે વીડિયો સામે આવતાંની સાથે જ પોલીસે તપાસનો ધમધમાટ શરૂ કરી ઈન્સ્ટાગ્રામ ઉપર વીડિયો અપલોડ કરનાર યુવકની શોધખોળ શરૂ કરી દીધી હતી. જેમાં પ્રધ્યુમન પોલીસે ચિરાગ ઢાંકેચા અને કપિલ વાણિયા નામના શખ્સની અટકાયત કરીને આગળની કાર્યવાહી હાથ ધરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
